પાણીપુરીમાં મળ્યા કેન્સર ફેલાવતા કેમિકલ, સરકારે સ્ટ્રીટ ફૂડ ખાનારાઓને સાવચેત રહેવાની આપી સલાહ

Karnataka News: પાણીપુરી ખાનારાઓ માટે એક ખરાબ સમાચાર સામે આવ્યા છે. કર્ણાટકની પાણીપુરીમાં કેન્સર પેદા કરતા રસાયણો મળી આવ્યા છે. કર્ણાટકમાં FSSAIને પાણીપુરીના નમૂનાઓમાં કેન્સર પેદા કરતા રસાયણો મળ્યા છે. હકીકતમાં, જ્યારે બેંગલુરુમાં પાણીપુરીનું પરીક્ષણ કરવામાં આવ્યું ત્યારે તેમાં કૃત્રિમ રંગો અને કેન્સર પેદા કરતા રસાયણો મળી આવ્યા હતા.

ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયાને પાણીપુરીના સેમ્પલમાં સન સેટ યલો, બ્રિલિયન્ટ બ્લુ અને ટેટ્રા જાન જેવા કેમિકલ મળ્યા છે. ડોક્ટરના મતે આ કૃત્રિમ રંગોથી પેટ ખરાબ થવાથી લઈને હાર્ટ પ્રોબ્લેમ સુધીની સમસ્યા થઈ શકે છે, આ સિવાય તે ઓટોઈમ્યુન નામની બીમારી પણ કરી શકે છે.

કર્ણાટકમાં ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા દ્વારા પાણીપુરીની તપાસ કરવામાં આવી છે. આ તપાસમાં પાણીપુરીના સેમ્પલ લેવામાં આવ્યા હતા. જેમાં 22 ટકા સેમ્પલ ફેલ જણાયા હતા. કર્ણાટકમાં 79 જગ્યાએથી કુલ 260 સેમ્પલ લેવામાં આવ્યા હતા. કર્ણાટકના ફૂડ સેફ્ટી કમિશનર શ્રીનિવાસ કે કહે છે કે તેમને પાણીપુરીની ગુણવત્તા અંગે રાજ્યભરમાંથી ફરિયાદો મળી રહી છે. આ પછી, રસ્તાની બાજુના સ્ટોલ પરથી સેમ્પલ લેવામાં આવ્યા હતા જેમાં સ્વાસ્થ્યને લઈને ચિંતાજનક સમાચાર બહાર આવ્યા હતા.

તમને જણાવી દઈએ કે આ પહેલા ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયાએ પણ કૃત્રિમ ફૂડ કલર ધરાવતા કબાબ, કોબીજ મંચુરિયન અને કોટન કેન્ડી પર પ્રતિબંધ મૂક્યો હતો. હવે, પાણીપુરીમાં કેન્સર પેદા કરતું કેમિકલ મળી આવતાં, કર્ણાટક સરકારે સ્ટ્રીટ ફૂડ ખરીદનારાઓને સાવચેત રહેવાની સલાહ આપી છે.