રાજયપાલે JMM ધારાસભ્ય દળના નેતા ચંપઈ સોરેનને ઝારખંડમાં સરકાર બનાવવા માટે આમંત્રણ આપ્યું છે. સોરેન શુક્રવારે મુખ્યમંત્રી પદના શપથ લેશે. આ પછી 10 દિવસમાં બહુમત સાબિત કરવો પડશે. ચંપઈ સોરેને આજે રાજ્યપાલ સીપી રાધાકૃષ્ણન સાથે મુલાકાત કરી હતી અને રાજ્યમાં ચાલી રહેલી મૂંઝવણને કારણે સરકાર બનાવવાની તેમની વિનંતીને વહેલી તકે સ્વીકારવાની વિનંતી કરી હતી.આખરે હવે સ્થિતિ સ્પષ્ટ થઇ ગઇ છે કે ચંપઇ સોરેન શુક્રવારે શપથ લેશે.
ઉલ્લેખનીય છે કે જેએમએમ ધારાસભ્ય પક્ષના નેતા ચંપાઈ સોરેનની મુખ્યમંત્રી તરીકે નિમણૂક કરવામાં રાજ્યપાલમાં વિલંબ અંગેની ચિંતાઓ વચ્ચે ગઠબંધને તેના ધારાસભ્યોને બે ખાનગી વિમાનોમાં સ્થાનાંતરિત કરવાના પ્રયાસો પણ કર્યા હતા. ગઠબંધનના કેટલાક ધારાસભ્યોના જણાવ્યા અનુસાર, તેમને બે ખાનગી વિમાનમાં હૈદરાબાદ લઈ જવાની યોજના હતી. જોકે, ધારાસભ્યોને હૈદરાબાદ લઈ જવાની યોજના રદ કરવી પડી હતી કારણ કે એરપોર્ટ પર ઓછી વિઝિબિલિટીના કારણે પ્લેન ટેકઓફ કરી શક્યા ન હતા.
