Gandhinagar News:મુખ્યમંત્રી ભૂપેન્દ્ર પટેલની અધ્યક્ષતામાં ગાંધીનગરમાં 2026-27 ના આગામી બજેટ (Budget)ને અંતિમ સ્વરૂપ આપવા માટે શ્રેણીબદ્ધ બેઠકો શરૂ થઈ છે. આ બેઠકોમાં, મુખ્યમંત્રી વિવિધ વિભાગોની કામગીરી અને આગામી વર્ષ માટે તેમના નાણાકીય આયોજનની વિગતવાર સમીક્ષા કરી રહ્યા છે. નાણા વિભાગના વરિષ્ઠ અધિકારીઓ (Officers)ની હાજરીમાં આ બેઠકોમાં માર્ગ અને મકાન અને પાણી પુરવઠા જેવા મૂળભૂત માળખાગત વિભાગો પર ખાસ ભાર મૂકવામાં આવી રહ્યો છે. રાજ્યના સર્વાંગી વિકાસને પ્રોત્સાહન આપવા માટે બજેટમાં કયા ક્ષેત્રોને પ્રાથમિકતા આપવી જોઈએ તે અંગે મહત્વપૂર્ણ નિર્ણયો લેવામાં આવી રહ્યા છે.
CM ભૂપેન્દ્ર પટેલની અલગ-અલગ વિભાગોમાં બેઠક
આ બજેટલક્ષી સમીક્ષા ખાસ કરીને નર્મદા, આદિજાતિ વિકાસ, કૃષિ અને મહિલા અને બાળ કલ્યાણ વિભાગો સંબંધિત પ્રોજેક્ટ્સ પર ધ્યાન કેન્દ્રિત કરી રહી છે. મુખ્યમંત્રીને વિભાગીય સચિવો તરફથી અત્યાર સુધીના ખર્ચ અને નવી પ્રસ્તાવિત યોજનાઓના અહેવાલો પ્રાપ્ત થયા છે. બજેટ (Budget)માં ખાસ કરીને ખેડૂતોના કલ્યાણ અને મહિલા સશક્તિકરણ માટે નવી જોગવાઈઓ શામેલ થવાની સંભાવના છે. સરકાર આગામી બજેટ (Budget)ને લોકોલક્ષી અને વિકાસલક્ષી (Developmental) બનાવવાનો હેતુ ધરાવે છે, જેથી સમાજના છેવાડાના વ્યક્તિ સુધી પણ લાભ પહોંચે.
