Gujarat News: ગુજરાત(Gujarat)ની ગણતરી એક સમૃદ્ધ રાજ્ય (Wealthy state) તરીકે થાય છે. ગુજરાતીઓ સુખી અને સમૃદ્ધ પણ કહેવાય છે. જે ગુજરાતીઓના લોહીમાં વ્યવસાય છે, તેમણે ક્યારેય પોતાની જમીન ગુમાવી નથી. ગુજરાતીઓ દરેક ક્ષેત્રમાં પોતાની હાજરી નોંધાવી રહ્યા છે. ગુજરાત મોડેલની દુનિયાભરમાં પ્રશંસા થાય છે. પરંતુ એક ક્ષેત્રમાં ગુજરાતીઓ અને ગુજરાત પાછળ રહી ગયા.

ગુજરાત નોકરિયાતોને પગાર ચૂકવવામાં પાછળ છે. ગુજરાતમાં ગમે તેટલા ઉદ્યોગો હોય, પણ નોકરિયાત કર્મચારીઓનો પગાર અન્ય રાજ્યો કરતા ઓછો જોવા મળ્યો છે. તાજેતરમાં પ્રકાશિત થયેલ પીરિયડિક લેબર ફોર્સ સર્વે (PLFS) 2023-24 ડેટા બહાર પાડવામાં આવ્યો છે. જેમાં ગુજરાતનો રિપોર્ટ ખૂબ જ ચોંકાવનારો છે. ગુજરાતમાં પગારદાર કર્મચારીઓનો પગાર દેશના અન્ય મુખ્ય રાજ્યો કરતા ઓછો છે. સૌથી ઓછો પગાર ગુજરાતમાં 17503 રૂપિયા પ્રતિ માસ છે. જે અન્ય રાજ્યોની સરખામણીમાં ઘણું ઓછું છે. તેમજ અહીં કામના કલાકો પણ લાંબા છે.

ગુજરાતમાં નિયમિત પગારદાર કર્મચારીઓ દેશમાં સૌથી વધુ સરેરાશ 53 કલાક પ્રતિ સપ્તાહ કામ કરે છે. તેલંગાણામાં રોજગાર મેળવનારા લોકો દર અઠવાડિયે સરેરાશ 46.5 કલાક કામ કરે છે અને દર મહિને 27606 રૂપિયા કમાય છે. કર્ણાટકમાં કર્મચારીઓ 46.9 કલાક કામ કરીને સરેરાશ 25621 રૂપિયાનો પગાર મેળવે છે.

ગુજરાતમાં કામના કલાકોની વાત કરીએ તો, ગુજરાતીઓ દર અઠવાડિયે સરેરાશ 53 કલાક કામ કરે છે. જે અન્ય રાજ્યો કરતા વધુ છે. એટલે કે 30 ટકા લોકો 48 થી 60 કલાક કામ કરે છે. એટલું જ નહીં, ગુજરાતીઓને કાર્યસ્થળ પર પણ યોગ્ય લાભ મળતા નથી. ગુજરાતમાં 42.2% નિયમિત પગારદાર કર્મચારીઓ પગારદાર રજા, લેખિત નોકરી-કરાર અને સામાજિક સુરક્ષા લાભો વિના કામ કરે છે. જે ખૂબ જ ખરાબ બાબત છે. કુલ 60% પગારદાર કર્મચારીઓ પીએફ-પેન્શન, ગ્રેચ્યુઇટી, આરોગ્ય સંભાળ અને પ્રસૂતિ લાભો વિના કાર્યરત છે. ગુજરાતમાં આટલો પગાર મેળવતા કર્મચારીઓની સંખ્યા રાષ્ટ્રીય સરેરાશ 39.6% કરતા વધારે છે.

આ પણ વાંચો:ભારતમાં કર્મચારીઓએ અઠવાડિયામાં 90 કલાક ડ્યૂટી કરવી પડશે? જાણો કાયદો શું કહે છે

આ પણ વાંચો:દાદાનું ઓપરેશન ગંગા જળ હેઠળ આરોગ્ય વિભાગના 4 કર્મચારીઓની છટણી

આ પણ વાંચો:સરકારી કર્મચારીઓના મોંઘવારી ભથ્થામાં 7 % નો વધારો કરાયો