દાહોદ,
દાહોદ જિલ્લાના ટાઢાગોળા ગામે દેરાણી અને જેઠાણીને શરીરે ડામ દીધાનો બનાવ બનતા સમગ્ર પંથકમાં આ મામલો ચર્ચાને એરણે પહોચ્યો છે.
આધુનિક યુગમાં અંધશ્રદ્ધાએ હદ વટાવી હોય તેમ ગુજરાતમાં છાસવારે અંધશ્રદ્ધાની આડ હેઠળ ક્રૂરતા આચરવામાં આવતી હોય છે. આવી જ એક ઘટના દાહોદ જિલ્લામાં બની છે જેમાં ડાકણ હોવાનો વહેમ રાખીને દેરાણી-જેઠાણીને નગ્ન કરી ઝાડ સાથે બાંધીને ડામ આપવામાં આવ્યા હતા.
જોકે, આ ઘટનામાં ઇજાગ્રસ્ત મહિલાઓને દાહોલ હોસ્પિટલમાં સારવાર માટે ખસેડવામાં આવી હતી.
ઝાડ સાથે બાંધીને બંનેને ગરમ સળિયા, કોસ અને સળગતા લાકડા વડે બંને હાથ-પગ, પેટ ઉપર ડામ ચાંપ્યા હતા. આટલાથી ન ધરાતા લોકોએ બંને મહિલાઓને માર મારીને તેમના હાથપગ પણ ભાંગી નાંખ્યા હતા.
પરિવાર જનોએ ભુવા સાથે મળી આ ઘટનાને અંજામ આપ્યો હતો. પોલીસે મહિલા અભયમની સમય સુચકતાથી બંને મહિલાઓને બચાવી લીધી હતી.ત્યારબાદ બંનેને સારવાર માટે ખાનગી હોસ્પિટલમાં ખસેડવામાં આવી હતી.પોલીસે મહિલાઓના જવાબ લઇ વધુ તપાસ હાથ ધરી છે.
