કચ્છ,
ગુજરાત સ્ટેટ રોડ ટ્રાન્સપોર્ટ કોર્પોરેશન એટલે કે, જીએસઆરટીસી દ્વારા ખાનગી બસોને ટક્કર આપવા આધુનિક વોલ્વો બસ શરૂ કરાઈ છે, જેમાં કચ્છમાં સાત વોલ્વો બસ ફાળવાયા બાદ આજે આ બસોને ભુજથી લીલી ઝંડી અપાઈ હતી.
કચ્છમાં ફાળવાયેલી ૭ વોલ્વો બસો પૈકી ૩ બસો ભૂજથી રાજકોટના રૂટમાં દોડાવવામાં આવશે. કચ્છથી રાજકોટના રૂટમાં એસ.ટી.ની સુવિધા પુરતી ન હોવાને કારણે નાછૂટકે પ્રવાસીઓને ખાનગી બસોનો આધાર લેવો પડતો હતો.
જોકે, હવે ભૂજથી રાજકોટની ૩ નવી વોલ્વો બસને લીલીઝંડી અપાઈ છે. કચ્છના એસ.ટી. નિયામક જાડેજાએ રાજકોટની બસને લીલીઝંડી આપીને પ્રસ્થાન કરાવ્યું હતું.
ભૂજથી રાજકોટના રૂટમાં સવારે ૬ ૩૦ કલાકે, બપોરે ૧રઃ૦૦ કલાકે અને સાંજે પઃ૦૦ કલાકે વોલ્વો ઉપડશેઆ વોલ્વો બસમાં એસ.ટી. વિભાગ દ્વારા મુસાફરોને ફ્રી- વાઈફાઈની સુવિધા પણ આપવામાં આવશે. ભૂજથી લાંબા રૂટની વોલ્વો બસ શરૂ થતાં મુસાફરોને ખાનગી બસોના કમર તોડ ભાડામાંથી રાહત મળશે, સાથે જ એસ.ટી.માં સારી સુવિધા મળી રહેશે.
