Gujarat Lok Sabha Seats Increase 2029: દેશના રાજકારણમાં આગામી 2029ની લોકસભા ચૂંટણી ઐતિહાસિક સાબિત થવા જઈ રહી છે. કેન્દ્ર સરકાર દ્વારા નવા પરિસીમન (Delimitation) અને મહિલા અનામત અધિનિયમ, 2023ને લાગુ કરવાની તૈયારીઓ તેજ કરી દેવામાં આવી છે. આ પ્રક્રિયા બાદ ગુજરાતમાં લોકસભાની બેઠકોમાં મોટો ઉછાળો જોવા મળશે, જેનાથી રાજ્યના રાજકીય સમીકરણો પણ બદલાશે.

Lok Sabhaની બેઠકોમાં 13 સીટનો વધારો થશે

વર્તમાન વ્યવસ્થા મુજબ ગુજરાતમાં લોકસભાની 26 બેઠકો છે, પરંતુ નવા પરિસીમન બાદ આ સંખ્યા વધીને 39 થઈ શકે છે. એટલે કે ગુજરાતને સીધી 13 નવી લોકસભા બેઠકો મળશે. આ ઉપરાંત, દેશભરમાં લોકસભાની કુલ 543 સીટોને વધારીને 816 કરવાનું સૂચન છે. આ નવું પરિસીમન 2011ની વસ્તી ગણતરીના આધારે થવાની શક્યતા છે.

મહિલાઓ માટે 13  બેઠકો અનામત

મહિલા અનામત અધિનિયમ મુજબ, લોકસભામાં એક તૃતીયાંશ (1/3) બેઠકો મહિલાઓ માટે અનામત રાખવામાં આવશે. જો ગુજરાતમાં 39 બેઠકો થાય, તો તેમાંથી 13 બેઠકો પર માત્ર મહિલા ઉમેદવારો જ ચૂંટણી લડી શકશે. આ નિર્ણયથી રાજ્યના રાજકારણમાં મહિલા નેતાઓનું પ્રતિનિધિત્વ અને વર્ચસ્વ વધશે.

SC અને ST અનામત બેઠકોમાં ફેરફાર

વર્તમાનમાં ગુજરાતમાં 2 બેઠકો અનુસૂચિત જાતિ (SC) અને 4 બેઠકો અનુસૂચિત જનજાતિ (ST) માટે અનામત છે. કુલ બેઠકોની સંખ્યા વધતા આ અનામત બેઠકોના આંકડા અને ભૌગોલિક સીમાઓમાં પણ મોટો ફેરફાર થશે. અમદાવાદ જેવા મહાનગરોમાં નવી બેઠકો અસ્તિત્વમાં આવી શકે છે, જ્યારે કેટલીક જૂની બેઠકોની સીમાઓ બદલાઈ શકે છે.

રાજકીય પક્ષોએ બદલવી પડશે રણનીતિ

નવી બેઠકો અને મહિલા અનામતના કારણે ભાજપ, કોંગ્રેસ અને અન્ય પક્ષોએ પોતાની વર્ષો જૂની રણનીતિ બદલવી પડશે. 1. નવા વિસ્તારો મુજબ નવા નેતાઓ તૈયાર કરવા પડશે. 2. 13 મહિલા ઉમેદવારોની પસંદગી પક્ષો માટે મોટો પડકાર અને તક બંને સાબિત થશે. 3. જ્ઞાતિ સમીકરણો ફરીથી સેટ કરવા પડશે.

ગુજરાતની વર્તમાન ૨૬ લોકસભા બેઠકો

ગાંધીનગર, નવસારી, ખેડા, કચ્છ, જૂનાગઢ, પાટણ, સુરત, અમદાવાદ પશ્ચિમ, સુરેન્દ્રનગર, ભાવનગર, વલસાડ, દાહોદ, અમરેલી, રાજકોટ, ભરૂચ, બનાસકાંઠા, બારડોલી, અમદાવાદ પૂર્વ, આણંદ, જામનગર, પોરબંદર, વડોદરા, પંચમહાલ, સાબરકાંઠા, છોટા ઉદેપુર અને મહેસાણા.

આ પણ વાંચો: લોકસભા અધ્યક્ષ ઓમ બિરલા વિરુદ્ધ અવિશ્વાસ પ્રસ્તાવ 9 માર્ચે શક્ય

આ પણ વાંચો: PM મોદી સાથે અણધારી ઘટના થવાની આશંકા, લોકસભા સ્પીકર ઓમ બિરલાનો ખુલાસો

આ પણ વાંચો: આજે લોકસભામાં વંદે માતરમના 150 વર્ષ પર રાજકીય ગરમાવો, PM–વિપક્ષ આમને–સામને