સુરત,
છેલ્લા બે દિવસથી સુરતમાં ધોધમાર વરસાદ આવતા રોડ રસ્તાઓ તૂટેલી હાલતમાં જોવા મળી રહ્યા છે. તેવામાં પીપોદરા ગામ નજીક આવેલા નેશનલ હાઈ-વે પર વરસાદને કારણે મસમોટા ખાડા જોવા મળી રહ્યા છે.
સાથે હાઈ-વે પર ઓવરબ્રિજનું કામ ચાલુ હોવાથી સર્વિસ રોડ પરથી લોકોને પસાર થવું પડે છે. જેને કારણે સર્વિસ રોડ પર કિલો મીટરો સુધીનો ટ્રાફિક જામ જોવા મળી રહ્યો છે.
છેલ્લા ત્રણ દિવસથી દરરોજ ૬ થી ૭ કિલોમીટર લાંબી વાહનોની લાઈનો લાગે છે. મહત્વનું છે કે પીપોદરા થી સુરત સિવિલ જવા માટે આ એક માત્ર માર્ગ છે જો જિલ્લામાં કોઈ ઘટના બને તો લોકોને કયા માર્ગ પરથી જવું તે સમજાતુ નથી.
પરંતુ સરકારી બાબુઓ અને કોન્ટ્રાક્ટરને આ બાબતે કોઈ ફેર પડતો નથી અને તંત્ર ઘોર નિદ્રામાં હોય તેવું લાગી રહ્યું છે
