વડોદરા પોલીસ કમિશ્નર દ્વારા શાળા, મહિલા હોસ્ટેલ તેમજ ક્લાસીસ આસપાસ કોઈ પણ પુરુષ કામ વગર નહિ ઉભા રહી શકે, આવું જાહેરનામું બહાર પાડવામાં આવ્યું છે. ઉપરાંત આ જાહેરનામાને ડીઈઓ દ્વારા તમામ શાળાઓમાં મોકલીને જાગૃતિ ફેલાવવાનું કામ પણ કરવામાં આવી રહ્યું છે.
જોકે, આ જાહેરનામામાંથી શાળા, કોલેજ, ટ્યુશન ક્લાસીસ અને મહિલા હોસ્ટેલ માં કામ કરતા અથવા કોઈ ચોક્કસ કામથી આવતા પુરુષોને મુક્તિ આપવામાં આવી છે. આ ઉપરાંત કામથી આવેલા વિદ્યાર્થીઓ, શાળામાં વિદ્યાર્થીઓને મુકવા જતી રીક્ષા-બસના ચાલકો તેમજ વાલીઓને પણ આ જાહેરનામામાંથી મુક્તિ આપવામાં આવી છે.
જણાવી દઈએ કે, નર્મદા પોલીસ દ્વારા પણ અસામાજિક તત્વો વિરુદ્ધ કાર્યવાહી કરવા ખાસ મહિલા પોલીસની નિર્ભયા સ્ક્વોડ બનાવવામાં આવી છે.