Gujarat Weather News: ગુજરાતમાં આગામી 10 દિવસ ભારે વરસાદની (Heavy Rain) આગાહી કરવામાં આવી છે. આવતીકાલથી ધોધમાર વરસાદની શક્યતા વ્યક્ત કરાઈ છે. અંબાલાલ પટેલે 26 સપ્ટેમ્બર સુધી રાજ્યમાં વરસાદી માહોલ રહેવાની આગાહી કરી છે.
ઉત્તર-મધ્ય ગુજરાતના અમુક ભાગોમાં વરસાદ પડી શકે તેવી આગાહી કરી છે. તો બીજી બાજુ સૌરાષ્ટ્રના પણ અમુક ભાગોમાં વરસાદ પડી શકે છે. પૂર્વ ગુજરાત અને મધ્ય પ્રદેશમાં ભારે વરસાદની શક્યતા જણાઈ રહી છે. મોન્સુન ટ્રફના કારણે ગુજરાતમાં વરસાદની આગાહી છે. દાહોદ, અરવલ્લી, મહીસાગર, પંચમહાલ, છોટાઉદેપુર, નર્મદામાં ભારે વરસાદની શક્યતા છે.
IMD પ્રમાણે, મોન્સુન ટ્રફના કારણે આગામી દિવસોમાં ગુજરાતનાં કેટલા ભાગોમાં વરસાદની સંભાવના છે. હવામાન વિભાગ દ્વારા અનેક જીલ્લાઓમાં યલો એલર્ટ પણ જાહેર કરવામાં આવ્યું છે. જેમાં મહેસાણા, સાબરકાંઠા, અરવલ્લી, મહીસાગર જીલ્લામાં હવામાન વિભાગે યલો એલર્ટ જાહેર કર્યું છે.
હવામાન વૈજ્ઞાનિક અભિમન્યુ ચૌહાણે જણાવ્યું હતું કે, ગુજરાતમાં 952 મીમી વરસાદ પડ્યો છે. જ્યારે ઉત્તર, મધ્ય અને દક્ષિણ ગુજરાતમાં 28 ટકા વધુ વરસાદ નોંધાયો હતો. તેમજ ચોમાસાની ઋતુનાં કારણે ગુજરાતનાં વિવિધ જીલ્લાઓમાં છૂટો છવાયો વરસાદ પડે છે. છેલ્લા 24 કલાકમાં ભરૂચમાં 89 મીમી વરસાદ નોંધાયો હતો.
હવામાન વિભાગના જણાવ્યા અનુસાર, મોનસુન ટ્રફની અસર ગુજરાત રાજ્યના કેટલાક જિલ્લાઓ પર વર્તાશે અને ત્યાં ભારે વરસાદ વરસી શકે છે. અમદાવાદમાં ખૂબ જ હળવો છુટા છવાયો વરસાદ વરસી શકે છે. રાજ્યમાં અત્યાર સુધીમાં સિઝનનો સરેરાશ 122 ટકા વરસાદ વરસી ચૂક્યો છે. સૌથી વધુ કચ્છ ઝોનમાં 183 ટકા, સૌરાષ્ટ્ર ઝોનમાં 129 ટકા, દક્ષિણ ગુજરાત ઝોનમાં 124 ટકા, પૂર્વ-મધ્ય ગુજરાત ઝોનમાં 118 ટકા અને ઉત્તર ગુજરાત ઝોનમાં 106 ટકા વરસાદ નોંધાયો છે.
આ પણ વાંચો: IMDએ કરી વરસાદની નવી આગાહી, છુટા છવાયા વરસાદ સાથે અપાયું યલો એલર્ટ
આ પણ વાંચો: IMDની આગાહી શું કહે છે, કેવો રહેશે વરસાદ…..
આ પણ વાંચો: હવામાન વિભાગે કરી વરસાદની નવી આગાહી, આ જીલ્લાઓમાં અપાયું એલર્ટ
