ગાંધીનગર,
ચૂંટણી પંચ દ્વારા ગુજરાતની મતદાર યાદીની જાહેરાત કરવામાં આવી છે. જેમાં કુલ 4 કરોડ 47 લાખ મતદારો નોંધાયેલા છે. મતદારયાદીમાં થર્ડ જેન્ડરના 1053 મતદારો નોંધાયા છે. રાજ્યમાં 2 કરોડ 32 લાખ પુરુષ અને 2 કરોડ 14 લાખ મહિલાઓ પોતાના મતાધિકારનો ઉપયોગ કરશે. લોકસભાની ચૂંટણી ગુજરાતમાં 51,709 મતદાન મથકો પર યોજાશે. 2019ની આ ચૂંટણીમાં 8 લાખ યુવા મતદારો પહેલીવાર પોતાના મતનો ઉપયોગ કરશે. જેમાં અમદાવાદમાં 1 લાખ 29 હજાર 21 જેટલા નવા મતદારો સાથે કુલ મતદારોની સંખ્યા 54 લાખ જેટલી થઈ છે. અમદાવાદમાં 18 થી 19 વર્ષના 35000 યુવા મતદારો પ્રથમ વખત મતદાન કરશે. જ્યારે 100 વર્ષથી વધુ ઉમરનાં લગભગ 100 જેટલા મતદારો. નોંધાયેલા છે. લોકસભાની 2019ની ચૂંટણી પહેલાંની આખરી મતદાન યાદી પ્રસિદ્ધિ કરવામાં આવી છે.
ચૂંટણીપંચના જોઈન્ટ જયદીપ ત્રિવેદીએ જણાવ્યું કે, 4 જાન્યુઆરી સુધીમાં ગુજરાતમાં કુલ ચાર કરોડની 45 લાખ આંકડો છે. જેમાં પ્રથમવાર મતદાન કરનાર યુવાનોની સંખ્યામાં આઠ લાખ જેટલો વધારો નોંધાયો છે. પ્રથમવાર મતદાન કરનાર યુવાનોમાં પણ એક ઉત્સાહનો માહોલ છે.
દરેક મતદારો પોતાની મતદાન યાદીમાં ઓનલાઇન પોતાનું નામ ચૅક કરી શકશે. વેબસાઈટ, ટોલ ફ્રી નંબર તેમજ મતદાર નોંધણી કચેરી ઉપર ચેક કરી શકાશે. 1950 ટોલ ફ્રી નંબર જાહેર કરવામાં આવ્યો છે, જેના પર મતદાન યાદી ચકાસી શકાશે. મતદાર યાદીમાં નામ ન હોય તો 6 નંબરનું ફોર્મ ભરી નામ ઉમેરી શકાશે. ગુજરાતના મુખ્ય નિર્વાચન અધિકારી ડૉ.એસ મુરલી ક્રિષ્નાના જણાવ્યા અનુસાર લોકસભા ચૂંટણીની તૈયારીઓ સંપૂર્ણ રીતે ચાલી રહી છે અને આખરી તબક્કામાં પહોંચી છે. નવા મતદારોને ચૂંટણી કાર્ડ આપવાની કામગીરી ફેબ્રુઆરી મહિનામાં પૂરી કરી દેવામાં આવશે
