HAL એ સોમવારે સ્પષ્ટતા કરી હતી કે Indian Air Force (IAF) ના તેજસ ફાઇટર જેટ અંગે સોશિયલ મીડિયા અને કેટલાક અહેવાલોમાં ફરતા ક્રેશના દાવા તથ્યહીન છે. કંપનીના જણાવ્યા મુજબ વિમાન સાથે હવામાં કોઈ દુર્ઘટના બની નહોતી; જમીન પર એક સામાન્ય ટેકનિકલ ખામી નોંધાઈ હતી, જેને લઈને તકેદારીના ભાગરૂપે તપાસ હાથ ધરાઈ છે. HAL એ વિશ્વાસ વ્યક્ત કર્યો કે તેજસનો સલામતી રેકોર્ડ વૈશ્વિક સ્તરે ઉત્તમ છે અને સમસ્યાનું નિરાકરણ જલ્દી લાવવામાં આવશે.
બ્રેક સિસ્ટમમાં ખામી સર્જાઈ હતી
એક સમાચાર એ સૂત્રોના હવાલાથી દાવો કર્યો હતો કે 7 ફેબ્રુઆરીએ લેન્ડિંગ સમયે બ્રેક સિસ્ટમમાં ખામી સર્જાતા વિમાન રનવેની બહાર સરકી ગયું હતું. અહેવાલ મુજબ, પાઇલટે સમયસર ઇજેક્ટ કરીને પોતાનું રક્ષણ કર્યું હતું, જોકે વિમાનને નુકસાન પહોંચ્યું હતું. ઘટના કયા એરબેઝ પર બની તે અંગે સ્પષ્ટ માહિતી આપવામાં આવી નહોતી. તેજસ, HAL દ્વારા વિકસિત, સિંગલ-એન્જિન લાઇટ કોમ્બેટ એરક્રાફ્ટ તરીકે ભારતીય વાયુસેનામાં સેવા આપે છે.
તેજસ વિમાનોને (Tejas Fighter Jet) તાત્કાલિક અસરથી ગ્રાઉન્ડેડ કરવામાં આવ્યા
આ ઘટનાને અનુસંધાને, તકનિકી તપાસ પૂર્ણ ન થાય ત્યાં સુધી લગભગ 30 તેજસ વિમાનોને તાત્કાલિક અસરથી ગ્રાઉન્ડેડ કરવામાં આવ્યા હોવાના દાવા સામે આવ્યા છે. જોકે, IAF તરફથી સત્તાવાર નિવેદન જાહેર થયું નથી.
તેજસ સાથે જોડાયેલી આ ત્રીજી મોટી ઘટના
દાવાઓ મુજબ, તેજસ સાથે જોડાયેલી આ ત્રીજી મોટી ઘટના ગણાઈ રહી છે. માર્ચ 2024માં Jaisalmer નજીક એક તેજસ જેટ એન્જિન ફેલ થવાને કારણે ક્રેશ થયું હતું. તે વખતે પાઇલટે ઇજેક્ટ કરીને જાન બચાવ્યો હતો. બાદમાં નવેમ્બર 2025માં Dubai Airshow દરમિયાન ડેમો ફ્લાઇટ વખતે અલ મક્તૂમ એરપોર્ટ પર તેજસ વિમાન દુર્ઘટનાગ્રસ્ત બન્યું હતું. આ દુર્ઘટનામાં વિંગ કમાન્ડર Namanash Syalનું દુઃખદ અવસાન થયું હતું.
હાલ, HAL અને IAF બંને ટેકનિકલ પાસાંની સમીક્ષા કરી રહ્યા છે અને અંતિમ અહેવાલ આવ્યા બાદ જ ઘટનાનું સંપૂર્ણ ચિત્ર સ્પષ્ટ થવાની શક્યતા છે.
