વર્ષ 2018માં અમદાવાદના નિકોલ પોલીસ સ્ટેશનમાં નોંધાયેલા એક કેસને પરત ખેંચવાની પ્રક્રિયા ઝડપી કરવામાં આવી છે, જેમાં ભાજપના ધારાસભ્ય તથા પાટીદાર નેતા હાર્દિક પટેલને (Hardik Patel) મોટી રાહત મળવાની શક્યતા છે. પાટીદાર અનામત આંદોલન દરમિયાન નોંધાયેલા કેસોમાંથી આ મહત્વનો કેસ ગણાય છે.
2018માં હાર્દિક પટેલ (Hardik Patel) કેસની વિગત અને કાયદાકીય પ્રક્રિયા
2018માં હાર્દિક પટેલ (Hardik Patel), ગીતા પટેલ સહિત અન્ય પાટીદાર આગેવાનો દ્વારા મંજૂરી વિના પ્રતીક ઉપવાસ યોજાયો હતો. આ દરમિયાન પોલીસ સાથે ઘર્ષણ, ઉશ્કેરણીજનક ભાષણો અને કાયદો-વ્યવસ્થામાં વિક્ષેપ બદલ નિકોલ પોલીસ સ્ટેશનમાં ફરિયાદ નોંધાઈ હતી. હાલ આ કેસની સુનાવણી અમદાવાદ ગ્રામ્ય કોર્ટમાં ચાલી રહી છે. અગાઉ કોર્ટમાં હાજર ન રહેતા હાર્દિક પટેલ સામે બિનજામીનપાત્ર વોરંટ પણ બહાર પાડવામાં આવ્યું હતું.
કેસ પરત ખેંચવાની પ્રક્રિયા પૂર્ણ
અમદાવાદ કલેક્ટર અને સરકારી વકીલ દ્વારા કેસ પરત ખેંચવા માટે જરૂરી કાયદાકીય અભિપ્રાય અને દસ્તાવેજી કાર્યવાહી પૂર્ણ કરી દેવામાં આવી છે. ગ્રામ્ય કોર્ટમાં તમામ જરૂરી પ્રક્રિયા પૂરી થતાં હવે હાર્દિક પટેલ સામેની કાયદાકીય મુશ્કેલીઓ દૂર થવાની શક્યતા છે.
રાજકીય મહત્વ
હાર્દિક પટેલ હાલમાં ભાજપના ધારાસભ્ય તરીકે કાર્યરત છે, જેના કારણે સરકારનો આ નિર્ણય રાજકીય રીતે પણ મહત્વનો માનવામાં આવે છે. પાટીદાર સમાજ લાંબા સમયથી આંદોલનકારીઓ સામે નોંધાયેલા કેસો પાછા ખેંચવાની માંગ કરી રહ્યો હતો. આ પગલાથી હાર્દિક પટેલને કોર્ટની કાર્યવાહી અને વારંવારની હાજરીમાંથી રાહત મળશે.
આ પણ વાંચો:પટેલ, અલ્પેશ કથિરીયા સહિત ચાર આરોપીઓને રાજદ્રોહના કેસમાંથી મુક્તિ
આ પણ વાંચો:ડરીને ચૂપ નહીં બેસું કહી હાર્દિક પટેલે કોને આપ્યો જવાબ!
આ પણ વાંચો:ભાજપના ધારાસભ્ય હાર્દિક પટેલને બદનામ કરતી ટિપ્પણીઓ બદલ પોલીસ ફરિયાદ દાખલ
