Gujarat Weather: રાજ્યમાં છેલ્લા કેટલાક દિવસોથી ગરમી અને ઉકળાટનું પ્રમાણ સતત વધી રહ્યું છે. હવામાન વિભાગના અહેવાલ મુજબ રાજ્યના 10 શહેરોમાં મહત્તમ તાપમાન 40 ડિગ્રીથી વધુ નોંધાયું છે.
સૌથી વધુ ગરમી સુરેન્દ્રનગરમાં નોંધાઈ છે, જ્યાં મહત્તમ તાપમાન 44.7 ડિગ્રી સેલ્સિયસ રહ્યું છે. અમદાવાદમાં પણ તીવ્ર ગરમીનો અનુભવ થયો છે, જ્યાં તાપમાન 44.4 ડિગ્રી સુધી પહોંચી ગયું હતું.
રાજકોટમાં 43.6 ડિગ્રી, જ્યારે ગાંધીનગરમાં 43.5 ડિગ્રી તાપમાન નોંધાયું છે. ભાવનગરમાં 42.8 ડિગ્રી અને ડીસામાં 42.2 ડિગ્રી તાપમાન નોંધાયું હતું.
આ ઉપરાંત અમરેલીમાં 41.9 ડિગ્રી અને વડોદરામાં 40.2 ડિગ્રી સેલ્સિયસ તાપમાન નોંધાતા સમગ્ર રાજ્યમાં ગરમીનો પ્રભાવ સ્પષ્ટ જોવા મળ્યો છે. હવામાન વિભાગે આગામી દિવસોમાં પણ તાપમાન ઊંચું રહેવાની શક્યતા વ્યક્ત કરી છે, જેથી લોકોને સાવચેતી રાખવાની સલાહ આપવામાં આવી છે.
