ભારતના હવામાન વિભાગ (IMD) એ આજે દેશના મોટાભાગના રાજ્યોમાં દક્ષિણ પશ્ચિમ ચોમાસું સક્રિય થવાને કારણે આંતરિક ઓડિશા, ઝારખંડ, ઉત્તરપૂર્વ ભારતના બાકીના ભાગો, દિલ્હી, પૂર્વ રાજસ્થાન, ગુજરાત, કોંકણ અને ગોવા, છત્તીસગઢ, કેરળને આજે જાહેર કર્યું છે. લક્ષદ્વીપ, ઉત્તર બિહારના ભાગો, દક્ષિણ બિહાર, ઝારખંડ અને તમિલનાડુમાં હળવાથી મધ્યમ વરસાદની આગાહી કરવામાં આવી છે. હિમાચલ પ્રદેશ, ઉત્તરાખંડ, પંજાબના કેટલાક ભાગો, હરિયાણા, ઉત્તર પ્રદેશ, ઉત્તર અને મધ્ય મધ્ય પ્રદેશ, સિક્કિમ, આંદામાન અને નિકોબાર ટાપુઓ અને આસામ, અરુણાચલ પ્રદેશ, દરિયાકાંઠાના વિસ્તારો, ઓડિશા, વિદર્ભ અને કોસ્ટલ કર્ણાટકમાં હળવાથી મધ્યમ વરસાદ. કેટલાક સ્થળોએ ભારે વરસાદની ચેતવણી છે. જ્યારે બિહારના બાકીના ભાગો, લદ્દાખ, રાજસ્થાનના પશ્ચિમ ભાગો, આંતરિક કર્ણાટક, રાયલસીમા અને લક્ષદ્વીપમાં હળવો વરસાદ થવાની સંભાવના છે.
જો ગુજરાત રાજ્યની વાત કરવામાં આવે તો રાજયમાં છેલ્લા કેટલાંય દિવસોથી ચોમેર અનરાધાર વરસાદ વરસી રહ્યો છે. એવામાં ફરીવાર હવામાન વિભાગે રાજ્યમાં આગામી 5 દિવસ ભારે વરસાદની આગાહી કરી છે. જેમાં રાજ્યમાં સૌરાષ્ટ્ર, કચ્છ અને દક્ષિણ ગુજરાતમાં આજે અને આવતીકાલે ભારે વરસાદની આગાહી કરાઇ છે. 21 અને 22 જુલાઈએ ભારે વરસાદની આગાહી કરવામાં આવી છે. 23 અને 24 જુલાઈએ અતિભારે વરસાદની આગાહી કરવામાં આવી છે. સાબરકાંઠા, અરવલ્લી, મહીસાગર, કચ્છ, અમદાવાદમાં 23 જુલાઈએ અતિભારે વરસાદની આગાહી કરવામાં આવી છે.
24 કલાકમાં નોધાયેલો વરસાદ
છેલ્લા 24 કલાકમાં રાજયના 31 જિલ્લાના 113 તાલુકામાં વરસાદ નોધાયો છે. કપરાડા તાલુકામાં સૌથી વધુ વરસાદ નોધાયો છે. કપરાડા તાલુકામાં 1.5 ઈંચ વરસાદ, બાલાસિનોર, પારડી તાલુકામાં 1.5 ઈંચ વરસાદ, અન્ય 110 તાલુકામાં 1 ઈંચ સુધીનો વરસાદ નોધાયો છે.
નોંધનીય છે કે, ગુજરાતમાં ચાલુ સિઝનમાં 459 મીમી વરસાદ નોંધાયો છે. જ્યારે રાજ્યમાં બનાસકાંઠા દાહોદ અને ગાંધીનગરમાં હજુ પણ વરસાદની ઘટ જોવા મળી રહી છે. ‘ગુજરાતમાં 24-25મીએ કચ્છ, જામનગર અને દ્વારકામાં પણ રેડ અલર્ટ અપાયું છે. રાજ્યમાં કચ્છ, ડાંગ, વલસાડ અને પંચમહાલના 4 નેશનલ હાઈ-વે બંધ કરાયા છે. હજુ પણ રાજ્યમાં કુલ 55 જેટલા બસોના રૂટ બંધ છે. ઉકાઈ ડેમમાંથી પણ 2 લાખ ક્યુસેક જેટલું પાણી છોડવામાં આવ્યું છે.
