જાહેર ક્ષેત્રની ટેલિકોમ કંપની બીએસએનએલએ પોતાના કર્મચારી માટે સ્વૈચ્છિક નિવૃત્તિ યોજના અમલમાં મૂકી છે. બીએસઆરએલની વીઆરએસ યોજના 3 જી ડિસેમ્બર સુધી ખુલ્લી રહેશે કુલ 13,000 કર્મચારીઓ ગ્રુપ-સી કેટેગરીમાં અરજી કરશે. જાહેર ક્ષેત્રના ટેલિકોમ ક્ષેત્રના ભારત સંચાર નિગમ લિમિટેડ (બીએસએનએલ) ની સ્વૈચ્છિક નિવૃત્તિને સકારાત્મક પ્રતિસાદ મળ્યો છે. યોજનાની ઘોષણાના માત્ર બે દિવસમાં 22,000 કર્મચારીઓએ વીઆરએસ માટે અરજી કરી છે.
બીએસએનએલના એક વરિષ્ઠ અધિકારીએ જણાવ્યું કે, અરજી કરનારા કુલ 13,000 કર્મચારીઓ ગ્રુપ-સી કેટેગરીમાં છે. જો કે, દરેક વર્ગના કર્મચારીઓનો સારો પ્રતિસાદ મળી રહ્યો છે. “બીએસએનએલને 70,000 થી 80,000 કર્મચારીઓને વીઆરએસ યોજના અપનાવવાની અપેક્ષા રાખી છે, જેના થકી પગારના માથામાં આશરે 7,000 કરોડ રૂપિયાની બચત થશે. ઉલ્લેખનીય છે કે, બીએસએનએલની વીઆરએસ યોજના 5 નવેમ્બરના રોજ રજૂ કરવામાં આવી હતી અને તે 3 ડિસેમ્બર સુધી ખુલ્લી રહેશે.
યોજનાના અવકાશમાં કોણ છે?
બીએસએનએલના બધા નિયમિત અને કાયમી કર્મચારીઓ કે જેમણે 50 વર્ષ અથવા તેથી વધુ ઉંમર પૂર્ણ કરી છે, તે વીઆરએસ માટે અરજી કરવા પાત્ર છે. આમાં એવા કર્મચારીઓ શામેલ છે જે બીએસએનએલની બહારની અન્ય સંસ્થાઓમાં ડેપ્યુટેશન ધોરણે કામ કરી રહ્યા છે. જો તમે નંબરો પર નજર નાખો તો હાલમાં બીએસએનએલના લગભગ 1.50 લાખ કર્મચારી છે. તેમાંથી લગભગ એક લાખ કર્મચારીઓ વીઆરએસ હેઠળ આવે છે. મહાનગર ટેલિફોન નિગમ લિમિટેડ (એમટીએનએલ) એ પણ તેના કર્મચારીઓ માટે વીઆરએસ લાગુ કર્યો છે. એમટીએનએલનો આ પ્લાન 3 ડિસેમ્બર સુધીનો છે.
આ પણ વાંચો : બિઝનેશ/ BSNL એ શરૂ કરી VRS યોજના, 80 હજાર કર્મચારીઓને મળશે લાભ
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
