Idar News: સાબરકાંઠાના ઈડર તાલુકાના સપ્તેશ્વર ખાતે દુઃખદ ઘટના સામે આવી છે. અહીં સાબરમતી નદીમાં દશામાંની મૂર્તિ પધરાવવા ગયેલા બે યુવકો પાણીમાં ડૂબી (Youths Drowning Death) ગયા હતા. ઘટનાની જાણ થતાં ફાયર બ્રિગેડની ટીમ ઘટનાસ્થળે પહોંચી હતી અને બંને યુવકોની શોધખોળ માટે રેસ્ક્યૂ ઓપરેશન હાથ ધર્યું હતું.
દશામાંની મૂર્તિ પધરાવવા ગયા હતા
મળતી માહિતી મુજબ, બે યુવકો દશામાંની મૂર્તિ પધરાવવા માટે સપ્તેશ્વર ખાતે સાબરમતી નદીમાં ગયા હતા. મૂર્તિ પધરાવતી વખતે બંને યુવકો પાણીમાં ડૂબી (Youths Drowning Death) ગયા હતા. ઘટનાને પગલે આસપાસના લોકોમાં ચકચાર મચી ગઈ હતી.
Youths Drowning Death: ફાયર બ્રિગેડે હાથ ધર્યું રેસ્ક્યૂ
બંને યુવકો નદીમાં ડૂબ્યાની જાણ થતાં ફાયર બ્રિગેડની ટીમને જાણ કરવામાં આવી હતી. ફાયર બ્રિગેડના જવાનોએ તાત્કાલિક ઘટનાસ્થળે પહોંચીને નદીમાં શોધખોળ શરૂ કરી હતી. રેસ્ક્યૂ કામગીરી દરમિયાન બંને યુવકોના મૃતદેહ મળી આવ્યા હતા. ત્યારબાદ મૃતદેહોને બહાર કાઢી જરૂરી કાયદેસરની કાર્યવાહી માટે પોલીસને સોંપવામાં આવ્યા હતા.
બંને યુવકો મહેસાણાના હોવાનું સામે આવ્યું
પ્રાથમિક માહિતી મુજબ, નદીમાં ડૂબી (Youths Drowning Death) જવાથી મોતને ભેટેલા બંને યુવકો મહેસાણા જિલ્લાના હોવાનું સામે આવ્યું છે. જોકે, બંનેની ચોક્કસ ઓળખ અને ઘટનાની અન્ય વિગતો અંગે પોલીસ તપાસ બાદ વધુ માહિતી સામે આવી શકે છે. સપ્તેશ્વરમાં બનેલી આ ઘટનાને પગલે મૃતકોના પરિવારજનોમાં શોકનો માહોલ છવાયો છે. ધાર્મિક વિધિ માટે ગયેલા બે યુવકોના અચાનક મોતથી સમગ્ર વિસ્તારમાં પણ અરેરાટી ફેલાઈ છે.
આ પણ વાંચો:દશામાની મૂર્તિના વિસર્જન દરમિયાન જુદીજુદી જગ્યાએ ત્રણ યુવકો પાણીમાં ડૂબ્યા
આ પણ વાંચો:તળાજાના સરતાનપર ગામે એક જ પરિવારના 3 માસૂમ બાળકો પાણીમાં ડૂબ્યા
આ પણ વાંચો:ગુજરાતમાં ટ્રેક્ટર પલટી જતાં 17 લોકો પાણીમાં ડૂબ્યા, 9ને બચાવ્યા, 7ની શોધ ચાલુ
