ભારત-ચીન મુદ્દે વિદેશ મંત્રી એસ જયશંકરે કહ્યું કે અમે અમારું વલણ જાળવી રાખ્યું છે કે જો ચીન સરહદી વિસ્તારોમાં શાંતિ ભંગ કરશે તો તેની અસર અમારા સંબંધો પર પડશે. આપણા સંબંધો સામાન્ય નથી, તે સામાન્ય ન હોઈ શકે કારણ કે સરહદની સ્થિતિ સામાન્ય નથી. જયશંકરે કહ્યું કે ભારત સતત તેના સ્ટેન્ડ પર અડીખમ છે કે જો ચીન સરહદી વિસ્તારોમાં શાંતિ ભંગ કરે છે અથવા નિયમોનું ઉલ્લંઘન કરે છે તો તેની અસર બંને દેશોના સંબંધો પર પડશે.
જયશંકરે કહ્યું કે અમારી વચ્ચે કમાન્ડર સ્તરે 15 રાઉન્ડની વાતચીત થઈ છે. બંને પક્ષો દ્વારા તે સ્થળોએથી ખસી જવા અંગે ઘણા મહત્વપૂર્ણ નિર્ણયો લેવામાં આવ્યા છે. અમે તેનો અમલ પણ શરૂ કરી દીધો છે. તેણે કહ્યું કે હજુ પણ એવી કેટલીક જગ્યાઓ છે જ્યાંથી તેઓ પાછા ફર્યા નથી. જો કે, અમે એ સ્ટેન્ડ પર અડગ રહીએ છીએ કે જો ચીન સરહદી વિસ્તારોમાં શાંતિ ભંગ કરશે તો તેની અસર સંબંધો પર પડશે. જયશંકર બે વર્ષ પહેલા લદ્દાખમાં થયેલી અથડામણ બાદ ચીન સાથેના સંબંધોમાં તણાવ સંબંધિત પ્રશ્નનો જવાબ આપી રહ્યા હતા.
જયશંકરે કહ્યું કે મેં 2020 અને 2021માં કહ્યું હતું અને આજે ફરી કહું છું કે અમારા સંબંધો સામાન્ય નથી. જો સરહદ પર સ્થિતિ સામાન્ય ન હોય તો તે સામાન્ય રહી શકે નહીં. સરહદની સ્થિતિ હજુ સામાન્ય નથી. વિદેશ મંત્રીએ કહ્યું કે આ ખૂબ જ તણાવપૂર્ણ સ્થિતિ છે. તે ખતરનાક પરિસ્થિતિ પણ હોઈ શકે છે, તેથી અમે વાતચીત કરી રહ્યા છીએ
