સરકાર દ્વારા આજે પણ ઘણી સ્કીમ ચલાવવામાં આવતી હોય છે જેના વિશે મોટી સંખ્યામાં લોકોને કોઇ ખબર નથી. અમે તમને આજે સરકાર દ્વારા ચલાવવામાં આવી રહેલી એવી જ એક સ્કીમ વિશે જણાવવા જઇ રહ્યા છીએ.
આ પણ વાંચો – કોરોના અપડેટ / રાજ્યમાં કોરોનાના નવા સંક્રમણના 48 કેસ,એક દર્દીનું મોત,ઓમિક્રોનના શંકાસ્પદ કેસ વધી શકે છે!
દરેક વ્યક્તિ વૃદ્ધાવસ્થાની ચિંતા કરે છે. જો તમે તમારી નિવૃત્તિને સુરક્ષિત રાખવા માટે સુરક્ષિત જગ્યાએ રોકાણ કરવાનું પણ વિચારી રહ્યા છો, તો તમે સરકારની અટલ પેન્શન યોજના (APY)માં નાણાંનું રોકાણ કરી શકો છો. આ યોજના હેઠળ પતિ-પત્ની અલગ-અલગ ખાતા ખોલાવીને દર મહિને 10,000 રૂપિયાનું પેન્શન મેળવી શકે છે. આ પ્લાનનાં બીજા ઘણા ફાયદા છે. “પેન્શન” શબ્દનો ઉપયોગ નોકરીમાંથી નિવૃત્તિ પછી મળેલા નાણાં માટે થાય છે. આવી સ્થિતિમાં ઘણા લોકો માને છે કે નોકરી કર્યા પછી જ પેન્શનની સુવિધા મળી શકે છે. જો તમે પણ એવું માનતા હોવ તો તમને જણાવી દઈએ કે, તમે નોકરી વગર પણ પેન્શન મેળવી શકો છો. એ જરૂરી નથી કે તમે પેન્શન (નેશનલ પેન્શન સિસ્ટમ) માટે ક્યાંક નોકરી કરો. જો તમે તમારું દૈનિક ચૂકવણીનું કામ કરો છો એટલે કે દૈનિક વેતન કામદાર અથવા તમારો પોતાનો વ્યવસાય હોય, તો પણ તમે વૃદ્ધાવસ્થામાં પેન્શનનો આનંદ માણી શકો છો.
જણાવી દઇએ કે, કેન્દ્રની મોદી સરકાર દ્વારા માત્ર 210નું રોકાણમાં 10 હજાર રૂપિયાનું પેન્શન આપવાની સ્કીમ ચલાવવામાં આવી રહી છે. આ યોજના (અટલ પેન્શન યોજના) દેશમાં 2015 થી કાર્યરત છે, જો તમે પણ પરિણીત છો તો તમે અરજી કરીને યોજનાનો લાભ લઈ શકો છો. ભારત સરકારની યોજના હેઠળ, પતિ અને પત્ની બન્ને પણ આ યોજના માટે પાત્ર છે. તેઓએ ફક્ત ભારતનાં નાગરિક બનવાની જરૂર છે. યોજના હેઠળ, પાત્ર લોકોને એક હજારથી 10,000 હજાર રૂપિયા સુધીનું પેન્શન મળી શકે છે.
આ પણ વાંચો – Crime / અમૂલનું ઘી તમે ખરીદો છો તો ચેતી જજો, સરખેજમાં બનાવટી અમૂલ ઘી બનાવતુ ગોડાઉન ઝડપાયું
જણાવી દઇએ કે, અટલ પેન્શન યોજના વર્ષ 2015માં શરૂ કરવામાં આવી હતી. તે સમયે તે અસંગઠિત ક્ષેત્રમાં કામ કરતા લોકો માટે શરૂ કરવામાં આવ્યું હતું, પરંતુ હવે 18 થી 40 વર્ષનો કોઈપણ ભારતીય નાગરિક આ યોજનામાં રોકાણ કરી શકે છે. ઉપરાંત, વ્યક્તિ પેન્શન યોજનાનો લાભ લઈ શકે છે. જેનું બેંક અથવા પોસ્ટ ઓફિસમાં ખાતું છે તેઓ સરળતાથી તેમાં રોકાણ કરી શકે છે. આ યોજનામાં થાપણદારોને 60 વર્ષ પછી પેન્શન મળવાનું શરૂ થાય છે.
અટલ પેન્શન યોજના શું છે?
અટલ પેન્શન યોજના એક એવી સરકારી યોજના છે જેમાં તમારા દ્વારા કરવામાં આવેલા રોકાણ તમારી ઉંમર પર નિર્ભર કરે છે. આ સ્કીમ હેઠળ, તમે ન્યૂનતમ રૂ. 1,000, રૂ. 2000, રૂ. 3000, રૂ. 4000 અને મહત્તમ રૂ. 10000નું માસિક પેન્શન મેળવી શકો છો. આ એક સુરક્ષિત રોકાણ છે જેમાં જો તમે નોંધણી કરાવવા માંગતા હોવ તો તમારી પાસે બચત ખાતું, આધાર નંબર અને મોબાઈલ નંબર હોવો જરૂરી છે.
યોજનાનો લાભ
આ યોજના હેઠળ 18 થી 40 વર્ષનાં લોકો અટલ પેન્શન યોજનામાં પોતાનું નામાંકન કરાવી શકે છે. આ માટે, અરજદારનું બેંક અથવા પોસ્ટ ઓફિસમાં બચત ખાતું હોવું આવશ્યક છે. એ પણ ધ્યાનમાં રાખો કે તમારી પાસે માત્ર એક અટલ પેન્શન ખાતું હોઈ શકે છે. તમે આ સ્કીમ હેઠળ જેટલું જલ્દી રોકાણ કરશો તેટલો જ વધુ ફાયદો તમને મળશે. જો કોઈ વ્યક્તિ 18 વર્ષની ઉંમરે અટલ પેન્શન યોજનામાં જોડાય છે, તો 60 વર્ષની ઉંમર પછી, તેણે દર મહિને 5000 રૂપિયાનાં માસિક પેન્શન માટે દર મહિને માત્ર 210 રૂપિયા જમા કરાવવા પડશે.
આ પણ વાંચો – ગુજરાત / અમદાવાદ શહેર પોલીસ દ્વારા તર્કશ નામની એપ્લિકેશન બનવાઇ, જાણો શું છે તેની ખાસિયત
આપને જણાવી દઇએ કે, આ યોજના સાથે સંકળાયેલા વ્યક્તિનું અકાળે મૃત્યુ થાય છે તો તેના પરિવારને લાભ ચાલુ રાખવાની પણ જોગવાઈ છે. અટલ પેન્શન યોજના સાથે સંકળાયેલા વ્યક્તિનું મૃત્યુ થાય તો તેની પત્નીને પેન્શન આપવાની જોગવાઈ છે. બીજી તરફ જો પત્નીનું મૃત્યુ થાય છે તો આવી સ્થિતિમાં બાળકોને પેન્શન આપવાની જોગવાઈ પણ છે.
