World News: યુરોપમાં ફરી એકવાર સરહદી સુરક્ષા અને ગેરકાયદેસર સ્થળાંતર (Illegal migration)ના મુદ્દો ચર્ચાનું કેન્દ્ર બન્યો છે. સ્પેનના સ્વાયત્ત વિસ્તાર સ્યુટામાં મોટી સંખ્યામાં પ્રવેશ કરનારા હજારો પ્રવાસીઓમાંથી મોટાભાગના લોકો હવે સ્વેચ્છાએ મોરોક્કો પરત ફરી રહ્યા છે. આ સમગ્ર ઘટનાક્રમ દરમિયાન 57 લોકોનાં મોત થયા હોવાનું સામે આવ્યું છે. ખોરાક, આશ્રય અને સુરક્ષાના અભાવ વચ્ચે સર્જાયેલા આ સંકટે અનેક ગંભીર પ્રશ્નો ઉભા કર્યા છે.
સ્પેનના સ્યુટામાં ફરી ગેરકાયદેસર સ્થળાંતર | Illegal migration
જમીન અને સમુદ્ર માર્ગે 50 હજારથી વધુ લોકો ગેરકાયદે સ્પેનના સ્યુટા વિસ્તારમાં પહોંચ્યા હતા. જોકે, થોડા જ સમયમાં મોટી સંખ્યામાં પ્રવાસીઓ સ્વેચ્છાએ મોરોક્કો પરત ફરવા લાગ્યા. ઘણા પ્રવાસીઓએ જણાવ્યું કે સ્યુટા પહોંચ્યા બાદ તેમને ખાવા માટે પૂરતું ભોજન, રહેવા માટે આશ્રય કે અન્ય મૂળભૂત સુવિધાઓ મળી નહોતી. પરિણામે તેઓ પાછા વળવા મજબૂર બન્યા. મોરોક્કો (Morocco Migration Crisis)ના સુરક્ષા દળોએ પણ સરહદ પર વધુ લોકોને પ્રવેશતા રોકવા માટે લાઠીચાર્જ અને ટિયર ગેસનો ઉપયોગ કર્યો હતો.
સરહદ પાર કરતી વખતે 57 લોકોનાં મોત, અનેક ઘાયલ
આ સમગ્ર ઘટનામાં સરહદી સુરક્ષા (Border Security) દરમિયાન ઓછામાં ઓછા 57 લોકોનાં મોત થયાં હોવાનું જણાવાયું છે. કેટલાક પ્રવાસીઓ સમુદ્ર પાર કરીને સ્યુટા પહોંચવાનો પ્રયાસ કરતા ડૂબી ગયા હતા, જ્યારે કેટલાક લોકોની મોત ભાગદોડ અને અફરાતફરીમાં થઈ હતી. સ્પેનના સુરક્ષા દળોએ ભીડને કાબૂમાં લેવા માટે પાણીની તોપ, ટિયર ગેસ અને ચેતવણીરૂપ ગોળીબારનો પણ ઉપયોગ કર્યો હતો. હજારો લોકો એકસાથે સરહદ પાર કરવાનો પ્રયાસ કરતા પરિસ્થિતિ અત્યંત ગંભીર બની ગઈ હતી.
સ્પેનની નીતિ અને કોર્ટના નિર્ણય બાદ વધ્યું સ્થળાંતર
અધિકારીઓના જણાવ્યા મુજબ, જુલાઈની શરૂઆતમાં સ્પેનની સુપ્રીમ કોર્ટના એક નિર્ણય બાદ સરહદ પાર કરવાનો પ્રયાસ કરનારા લોકોની સંખ્યામાં અચાનક વધારો થયો હતો. આ નિર્ણય હેઠળ સમુદ્રમાં ઝડપાયેલા કેટલાક પ્રવાસીઓને તાત્કાલિક પરત મોકલવાની પ્રક્રિયા પર મર્યાદા મૂકવામાં આવી હતી. કેટલાક નિષ્ણાતોનું માનવું છે કે સ્થળાંતર નીતિ (Migration Policy) પ્રત્યે સ્પેનના પ્રમાણમાં ઉદાર અભિગમે પણ વધુ લોકોને યુરોપ પહોંચવાનો પ્રયાસ કરવા પ્રેર્યા છે. બીજી તરફ માનવ તસ્કરી સાથે જોડાયેલા ગેરકાયદે નેટવર્ક પણ આ પરિસ્થિતિનો લાભ ઉઠાવી રહ્યા હોવાનું માનવામાં આવે છે.
સ્પેનના વડાપ્રધાનનું નિવેદન, માનવ તસ્કરોને જવાબદાર ઠેરવ્યા
સ્પેનના વડાપ્રધાન પેડ્રો સાંચેઝે સ્યુટાની મુલાકાત લઈને આ ઘટનાને દેશની પ્રાદેશિક અખંડિતતા માટે ગંભીર પડકાર ગણાવ્યો હતો. તેમણે કહ્યું કે માનવ તસ્કરી (Human Trafficking) કરનારા ગેંગ યુવાનોને ખોટા વાયદા કરીને જોખમી મુસાફરી માટે પ્રેરિત કરે છે, જેના કારણે અનેક લોકો જીવ ગુમાવે છે. તેમણે ભારપૂર્વક જણાવ્યું કે સરહદી સુરક્ષા મજબૂત બનાવવાની સાથે ગેરકાયદે સ્થળાંતર કરાવતા નેટવર્ક સામે કડક કાર્યવાહી કરવામાં આવશે. સ્થાનિક વહીવટીતંત્રે પણ વધતી ભીડને ધ્યાનમાં રાખીને પોલીસ અને સૈન્યની વધારાની મદદ લીધી છે.
આ પણ વાંચો:સેઉટામાં હજારો સ્થળાંતરકારોની ઘૂસણખોરી બાદ સ્પેને ઉતાર્યા ટેંક, યુરોપમાં વધ્યો સુરક્ષાનો ખતરો
આ પણ વાંચો:યુરોપ પહોંચવાના પ્રયાસમાં મોટી દુર્ઘટના: મોરોક્કોના 18 પ્રવાસીઓના મોત, સરહદ પર મચી નાસભાગ
