Bet Dwarka News: યાત્રાધામ બેટ-દ્વારકાને ઓખા સાથે જોડતા સુદર્શન સેતુ પર આગ (Sudarshan Setu Solar Cable Fire) લાગવાની ઘટના સામે આવી છે. સેતુની સાઈડમાં લગાવવામાં આવેલા સોલાર પેનલના કેબલમાં અચાનક આગ લાગતા સ્થળ પર અફરાતફરીનો માહોલ સર્જાયો હતો.
આગના ભડકા અને કાળા ધુમાડાના ગોટેગોટા ઉડતા જોવા મળ્યા હતા. ઘટનાના વીડિયો અને દૃશ્યો સોશિયલ મીડિયામાં વાયરલ થતાં યાત્રાળુઓ અને સ્થાનિકોમાં ચિંતા ફેલાઈ હતી.
ફાયર ટીમે ઘટના સ્થળે પહોંચી આગ કાબૂમાં લીધી
ઘટનાની જાણ થતાં ઓખા નગરપાલિકાની ફાયર ટીમ તાત્કાલિક સુદર્શન સેતુ (Sudarshan Setu Solar Cable Fire) પર પહોંચી હતી. ફાયર વિભાગના જવાનોએ કામગીરી હાથ ધરી આગ પર કાબૂ મેળવ્યો હતો.સમયસર કાર્યવાહી થતાં આગ વધુ ફેલાતી અટકાવવામાં આવી હતી.
Sudarshan Setu Solar Cable Fire: આગ વચ્ચે પણ વાહન વ્યવહાર ચાલુ રહ્યો
આ ઘટનામાં સૌથી ચિંતાજનક બાબત એ રહી કે સોલાર કેબલમાં આગ લાગ્યા બાદ પણ સેતુ પરથી વાહનોની અવરજવર ચાલુ રહી હતી.આગ અને ધુમાડાની સ્થિતિ વચ્ચે લોકોની સુરક્ષા માટે તાત્કાલિક પગલાં લેવામાં આવ્યા હતા કે નહીં તે અંગે હવે સવાલો ઉઠી રહ્યા છે. જો આગ વધુ ફેલાઈ હોત તો મોટી દુર્ઘટનાની શક્યતા સર્જાઈ શકતી હતી.
વરસાદી માહોલ વચ્ચે ટેક્નિકલ સુરક્ષા પર સવાલ
હાલ સમગ્ર વિસ્તારમાં વરસાદી માહોલ જોવા મળી રહ્યો છે. આવી સ્થિતિમાં વીજળી સંબંધિત સાધનો અને ટેક્નિકલ સુવિધાઓમાં આગ લાગવાની ઘટના ગંભીર માનવામાં આવે છે.સ્થાનિકો અને યાત્રાળુઓનું કહેવું છે કે સુદર્શન સેતુ જેવા મહત્વના માર્ગ પર ઈલેક્ટ્રિકલ સિસ્ટમ અને સુરક્ષા વ્યવસ્થાની નિયમિત તપાસ થવી જરૂરી છે.
ઘટનાની તપાસ અને સુરક્ષા ચકાસણીની માંગ
સ્થાનિકોમાં પ્રશ્ન ઉઠી રહ્યો છે કે જો આવી ઘટનામાં કોઈ જાનહાનિ થાય તો તેની જવાબદારી કોની રહેશે? લોકો દ્વારા સંબંધિત વિભાગ પાસે માંગ કરવામાં આવી રહી છે કે આગ લાગવાનું ચોક્કસ કારણ શોધવામાં આવે અને સેતુ પર લગાવવામાં આવેલી તમામ ઈલેક્ટ્રિકલ વ્યવસ્થાની તાત્કાલિક તપાસ કરવામાં આવે.
સુદર્શન સેતુ (Sudarshan Setu Solar Cable Fire) પર મોટી સંખ્યામાં યાત્રાળુઓ અને વાહનોની અવરજવર રહેતી હોવાથી સુરક્ષા વ્યવસ્થાને વધુ મજબૂત કરવાની જરૂરિયાત વ્યક્ત કરવામાં આવી રહી છે.
આ પણ વાંચો:દ્વારકાના જામ ખંભાળિયામાં આવેલી સાગર ઇલેક્ટ્રિક દુકાનમાં શોર્ટ સર્કિટના કારણે લાગી આગ
આ પણ વાંચો:દ્વારકામાં મોડી રાત્રે લાગેલી આગમાં ચારના મોત
આ પણ વાંચો:ધોલેરામાં ભયાનક કાર અકસ્માત! કારમાં આગ લાગતા માતા-પુત્ર જીવતા સળગ્યા
