India IMD Update: ભારતીય હવામાન વિભાગએ આગામી 24 કલાક માટે દેશના 11 રાજ્યોમાં રેડ એલર્ટ જાહેર કર્યું છે. વિભાગે ખાસ કરીને ઉત્તર પ્રદેશ અને બિહારમાં ગાજવીજ સાથે વરસાદની ચેતવણી આપી છે. આગાહી અનુસાર કેટલાક વિસ્તારોમાં તીવ્ર પવન અને વીજળી પડવાની સંભાવના પણ વ્યક્ત કરવામાં આવી છે.
દિલ્હી-NCRમાં સુકું હવામાન (Weather)
દિલ્હી-NCR સહિત ઉત્તર ભારતમાં હાલ હવામાન (Weather)મુખ્યત્વે શુષ્ક રહેશે.સવારે અને સાંજે હળવી ઠંડીનો અહેસાસ થશે, પરંતુ દિવસ દરમિયાન તીવ્ર સૂર્યપ્રકાશને કારણે તાપમાનમાં વધારો નોંધાશે.વરસાદ (Weather)ની શક્યતા ઓછી હોવાથી મેદાનોમાં સામાન્ય સ્થિતિ જળવાઈ રહેશે.
ઉત્તર પ્રદેશમાં 17-18 ફેબ્રુઆરીએ વરસાદ
IMD અનુસાર ઉત્તર પ્રદેશમાં 17 અને 18 ફેબ્રુઆરીએ ગાજવીજ અને વરસાદની શક્યતા છે. ખાસ કરીને સહારનપુર, અલીગઢ, હાથરસ, કાસગંજ, ઇટાવા, ઔરૈયા, ફર્રુખાબાદ અને મૈનપુરી જિલ્લામાં હળવાથી મધ્યમ વરસાદ પડી શકે છે. વરસાદને કારણે તાપમાનમાં થોડો ઘટાડો થશે, પરંતુ કડક ઠંડી પાછી ફરવાની (Weather)શક્યતા ઓછી છે.
બિહારમાં ધુમ્મસ અને વરસાદ
બિહારમાં પણ હવામાન (Weather)માં ફેરફાર જોવા મળશે. સીવાન, સારણ, ભોજપુર, બક્સર, પૂર્વ ચંપારણ, ગયા, જેહાનાબાદ, પૂર્ણિયા, સહારસા અને કિશનગંજ જિલ્લામાં ધુમ્મસ છવાઈ રહેવાની શક્યતા છે. કેટલાક વિસ્તારોમાં હળવો વરસાદ અને ગાજવીજની શક્યતા પણ વ્યક્ત કરવામાં આવી છે.
પર્વતીય વિસ્તારોમાં ભારે વરસાદ અને હિમવર્ષા
પર્વતીય રાજ્યોમાં હવામાન (Weather)વધુ ખરાબ બનવાની સંભાવના છે. 16 અને 17 ફેબ્રુઆરીએ ઉત્તરાખંડમાં ભારે વરસાદ અને તેજ પવનની ચેતવણી આપવામાં આવી છે. હિમાચલ પ્રદેશના કેટલાક ઊંચાઈવાળા વિસ્તારોમાં હિમવર્ષાની આગાહી કરવામાં આવી છે. ઉચ્ચ પર્વતીય વિસ્તારોમાં મુસાફરી કરતા લોકોને સાવચેત રહેવાની સલાહ આપવામાં આવી છે.
તાપમાનમાં થશે ઘટાડો
વરસાદી પ્રવૃત્તિઓને કારણે મેદાનોમાં તાપમાનમાં થોડો ઘટાડો નોંધાશે. જો કે, આ ઘટાડો લાંબા ગાળે ઠંડી પાછી લાવશે એવું લાગી રહ્યું નથી. હવામાન નિષ્ણાતોનું કહેવું છે કે ફેબ્રુઆરીના અંત સુધી તાપમાનમાં ધીમે ધીમે વધારો થશે.
ખેડૂતો અને નાગરિકો માટે સૂચના
હવામાન વિભાગે (IMD)ખેડૂતોને પાકને સુરક્ષિત રાખવા યોગ્ય પગલાં લેવા સૂચના આપી છે. ગાજવીજ અને વીજળી પડવાની શક્યતા હોય ત્યારે ખુલ્લા મેદાનમાં ન રહેવાની સલાહ આપવામાં આવી છે. મુસાફરી કરતા લોકોને હવામાન અપડેટ્સ ચકાસવા અને જરૂરી સાવચેતી રાખવા સૂચન કરવામાં આવ્યું છે.
IMD દ્વારા જાહેર કરાયેલા રેડ એલર્ટથી સ્પષ્ટ થાય છે કે આવનારા દિવસોમાં કેટલાક રાજ્યોમાં હવામાન અસ્થિર રહેશે.યુપી અને બિહારમાં ગાજવીજ સાથે વરસાદની શક્યતા છે, જ્યારે દિલ્હી-NCRમાં હવામાન સુકું રહેશે. પર્વતીય વિસ્તારોમાં હિમવર્ષા અને ભારે પવનને ધ્યાનમાં રાખીને સાવચેત રહેવું જરૂરી છે.
આ પણ વાંચો:દિલ્હી-NCRમાં તાપમાનમાં ઘટાડો, વરસાદની શક્યતા
આ પણ વાંચો:કેદારનાથમાં તાપમાન -14 ડિગ્રી પહોંચ્યું, ‘દિતવાહ’ ની અસર દક્ષિણ ભારતમાં વરસાદની હવામાન આગાહી
આ પણ વાંચો:જમ્મુ અને ઉત્તરાખંડમાં હિમવર્ષા શરૂ, મહારાષ્ટ્ર અને કર્ણાટકમાં આજે વરસાદની આગાહી
