હિમાચલના કુલ્લુમાં રવિવારે મોડી રાત્રે એક પહાડી પર ચઢતી વખતે એક બસ અચાનક કાબૂ બહાર થઇ ગઈ અને જોત જોતામાં તે પલટી ગઈ અને ખીણમાં પડતા બસના ડ્રાઈવર સહિત કુલ 17 લોકો સવાર હતા. જેમાં સાત લોકોના ઘટનાસ્થળે જ મોત થયા હતા. જ્યારે બાકીના દસ લોકોને ગંભીર હાલતમાં નજીકની હોસ્પિટલમાં દાખલ કરવામાં આવ્યા છે. જ્યાં તેમની હાલત નાજુક છે. માહિતી મળતાની સાથે જ પોલીસ અને પ્રશાસન ઘટના સ્થળે પહોંચીને રાહત કાર્ય શરૂ કર્યું હતું. આ અકસ્માત રાત્રે સાડા આઠ વાગ્યાની આસપાસ થયો હતો.
HP | 7 people killed & 10 others injured after a tourist vehicle rolled down from a cliff at 8:30pm yesterday on NH-305 in Ghiyagi area of Banjar Valley in Kullu. 5 injured are shifted to Zonal hospital, Kullu & 5 are under treatment at Banjar in a hospital: Gurdev Singh SP Kullu pic.twitter.com/FX7GPxQq7T
— ANI (@ANI) September 26, 2022
કુલ્લુના ડેપ્યુટી કમિશનર આશુતોષ ગર્ગે જણાવ્યું કે આ દુર્ઘટનાનો અંતિમ અહેવાલ આવવાનો બાકી છે. તેમણે જણાવ્યું કે અત્યાર સુધીની માહિતી અનુસાર, રવિવારે રાત્રે લગભગ 8.30 વાગ્યે, 17 મુસાફરોને લઈને એક બસ પહાડી પર ચઢી રહી હતી. બસ લગભગ આખું ચઢાણ ચડી ચૂકી હતી કે અચાનક ડ્રાઈવરે બસ પરથી કાબૂ ગુમાવ્યો અને બસ પલટી ગઇ અને સીધી ઉંડી ખીણમાં પડી. તેમણે કહ્યું કે માહિતી મળતાની સાથે જ રાહત ટીમને ઘટનાસ્થળે રવાના કરવામાં આવી હતી.
હાલ તમામ ઈજાગ્રસ્તોને ખીણમાંથી બહાર કાઢી નજીકની હોસ્પિટલમાં લઈ જવામાં આવ્યા છે. તેમની તપાસ અને સારવાર માટે ડોક્ટરોની ટીમ તૈનાત કરવામાં આવી છે. જો કે તમામ ઘાયલોની હાલત નાજુક હોવાનું કહેવાય છે. કેટલાક ઘાયલોને ICUમાં રાખવામાં આવ્યા છે, જ્યારે ઘણા ઘાયલોની હાલત ઓપરેશનમાં છે. બીજી તરફ એસપી ગુરદેવ સિંહે જણાવ્યું કે આ અકસ્માતમાં કુલ સાત લોકોના મોતની પુષ્ટિ થઈ છે. બાકીની હાલત નાજુક હોવાનું કહેવાય છે. આ બસમાં ડ્રાઈવર સહિત કુલ 17 લોકો સવાર હતા.
