કેન્દ્રીય આરોગ્ય મંત્રાલયે ગુરુવારે જણાવ્યું હતું કે દેશવ્યાપી રસીકરણ અભિયાન હેઠળ દેશમાં અત્યાર સુધીમાં આપવામાં આવેલી રસીની કુલ સંખ્યા 115 કરોડને વટાવી ગઈ છે. અધિકારીઓના જણાવ્યા અનુસાર, ભારતમાં, 18 વર્ષથી વધુ વયની વસ્તીના 80 ટકાથી વધુને રસીનો પ્રથમ ડોઝ મળ્યો છે, જ્યારે 41 ટકાથી વધુ લોકોને રસીના બંને ડોઝ આપવામાં આવ્યા છે. કોવિન પોર્ટલ અનુસાર, સાંજે 5.30 વાગ્યા સુધી, રસીકરણ અભિયાન હેઠળ દેશમાં અત્યાર સુધીમાં આપવામાં આવેલી રસીની કુલ સંખ્યા 115.07 કરોડને વટાવી ગઈ છે.
કેન્દ્રીય સ્વાસ્થ્ય મંત્રી મનસુખ માંડવિયાએ એક ટ્વીટમાં કહ્યું કે, રસીકરણ દ્વારા દેશ દરરોજ સુરક્ષિત બની રહ્યો છે. ભારતનું રસીકરણ કવરેજ 115 કરોડને પાર કરી ગયું છે. વડા પ્રધાન નરેન્દ્ર મોદીનું નિવેદન સાચું સાબિત થઈ રહ્યું છે – એકવાર ભારતીયો કંઈક કરવાનું નક્કી કરી લે, પછી કંઈપણ અશક્ય નથી! હર ઘર દસ્તક વિશ્વના સૌથી મોટા રસીકરણ અભિયાનને મજબૂત બનાવી રહ્યું છે! મંત્રાલયે બુધવારે માહિતી આપી હતી કે સંપૂર્ણ રસી આપવામાં આવેલ લોકોની સંખ્યા માત્ર પ્રથમ ડોઝ લેનારાઓ કરતાં વધી ગઈ છે.
જણાવી દઈએ કે, દેશમાં 24 કલાકમાં કોરોના સંક્રમણના 11,919 નવા કેસ સાથે, સંક્રમિતોની કુલ સંખ્યા વધીને 3,44,78,517 થઈ ગઈ છે. તે જ સમયે, સક્રિય કેસોની સંખ્યા વધીને 1,28,762 થઈ ગઈ છે. આ દરમિયાન આ રોગચાળાને કારણે દેશભરમાં 470 લોકોના મોત થયા છે. કોરોનાથી ખરાબ રીતે પ્રભાવિત કેરળમાં 388 લોકોના મોત થયા છે, જ્યારે મહારાષ્ટ્રમાં 32 લોકોના મોત થયા છે. આ રીતે, 80 ટકાથી વધુ મૃત્યુ એકલા કેરળના છે. આરોગ્ય મંત્રાલય દ્વારા સવારે આઠ વાગ્યે જાહેર કરવામાં આવેલા આંકડા મુજબ, કોરોનાથી મૃત્યુ પામેલા લોકોની કુલ સંખ્યા વધીને 4,64,623 થઈ ગઈ છે. સતત 41 દિવસથી કોરોના સંક્રમણના કેસોની સંખ્યામાં દૈનિક વધારો 20,000થી નીચે રહ્યો છે અને સતત 144 દિવસથી 50,000થી ઓછા નવા કેસ નોંધાયા છે.
ગોવા વિધાનસભા ચૂંટણી 2022 / મનોહર પર્રિકરના પુત્રની BJPમાં બળવો કરવાની ધમકી, કહ્યું- ટિકિટ નહીં મળે તો…
Corona effect / સરકારી શાળામાં બાળકોના એડમિશનનું પ્રમાણ વધ્યું
ગુજરાત / રાજ્યમાં નશીલા પદાર્થો ઘુસાડતા ઝડપાશે તેને આકરી સજા કરવામાં આવશે : ગૃહરાજ્ય મંત્રી હર્ષ સંઘવી
વરસાદી સંકટના વાદળ / દેશના અનેક રાજ્યોમાં પડી શકે વરસાદ, માછીમારોને દરિયો ન ખેડવાની આપી સૂચના
