India Over-takes UAE Saudi Arabia Petroleum Export: પેટ્રોલિયમ માટે લાંબા સમયથી ખાડી દેશો પર નિર્ભર રહેલું ભારત હવે રિફાઇન્ડ ફ્યુઅલના વૈશ્વિક બજારમાં પોતાની મજબૂત હાજરી નોંધાવી રહ્યું છે. પશ્ચિમ એશિયામાં સપ્લાય રૂટમાં સર્જાયેલી અડચણો વચ્ચે કેન્યાએ પેટ્રોલિયમ પ્રોડક્ટ્સ માટે ભારત તરફનો વળાંક વધાર્યો છે. કેન્યા અગાઉ પેટ્રોલ, ડીઝલ અને જેટ ફ્યુઅલ માટે મુખ્યત્વે સાઉદી અરેબિયા અને યુએઈની કંપનીઓ પર આધાર રાખતું હતું. પરંતુ પશ્ચિમ એશિયામાં સપ્લાય ચેઇનને અસર થતાં વૈકલ્પિક સ્ત્રોતની જરૂરિયાત ઊભી થઈ. આ પરિસ્થિતિમાં ભારતીય રિફાઇનરીઓ કેન્યા માટે મહત્વપૂર્ણ સપ્લાયર બની રહી છે.
ભારતે કેવી રીતે બનાવી પોતાની જગ્યા?
એનર્જી માર્કેટ સાથે જોડાયેલા આંકડાઓ અનુસાર, ભારતે(India) કેન્યાને ગેસોલિન, ડીઝલ, જેટ ફ્યુઅલ અને અન્ય રિફાઇન્ડ પેટ્રોલિયમ પ્રોડક્ટ્સની સપ્લાયમાં યુએઈ અને સાઉદી અરેબિયાને પાછળ છોડ્યું છે. આ બદલાવ ભારતના વધતા રિફાઇનિંગ ક્ષેત્રની ક્ષમતાને પણ દર્શાવે છે. ભારતમાંથી આફ્રિકન દેશોમાં પેટ્રોલિયમ પ્રોડક્ટ્સની નિકાસમાં નોંધપાત્ર વધારો જોવા મળ્યો છે. વૈશ્વિક વેપારની બદલાતી સ્થિતિ અને યુરોપિયન બજારમાં લાગેલા કેટલાક પ્રતિબંધોને કારણે ભારતીય રિફાઇનર્સ માટે આફ્રિકા એક મહત્વપૂર્ણ બજાર બની રહ્યું છે.
Indiaની રિફાઇનિંગ ક્ષમતા સૌથી મોટી તાકાત
ભારત(India) પોતાની જરૂરિયાતના મોટા હિસ્સા માટે ક્રૂડ ઓઇલ આયાત કરે છે, પરંતુ દેશમાં આવેલી વિશાળ રિફાઇનિંગ ક્ષમતાને કારણે આ ક્રૂડને પેટ્રોલ, ડીઝલ અને અન્ય ઇંધણમાં ફેરવીને વિવિધ દેશોમાં નિકાસ કરી શકાય છે. ગુજરાતનું જામનગર રિફાઇનિંગ કોમ્પ્લેક્સ આ ક્ષમતાનું મોટું ઉદાહરણ છે.
કેન્યા સાથે વેપારમાં નવો અધ્યાય
કેન્યા માટે ભારતીય(India) ઇંધણની વધતી સપ્લાય બંને દેશોના વેપારી સંબંધોને વધુ મજબૂત બનાવી શકે છે. પશ્ચિમ એશિયાના સપ્લાય રૂટમાં અસ્થિરતા વચ્ચે ભારતે વૈકલ્પિક સપ્લાયર તરીકે પોતાની ક્ષમતા સાબિત કરી છે. આગામી સમયમાં આફ્રિકન બજારોમાં ભારતીય રિફાઇન્ડ ફ્યુઅલની માંગ વધુ વધવાની શક્યતા છે.
આ પણ વાંચો:સપ્ટેમ્બરની શરૂઆત સાથે જ મોટા ફેરફારો; જાણો રસોડાના બજેટ અને મુસાફરી પર કેવી થશે અસર
આ પણ વાંચો:રક્ષાબંધન પર Namo Bharat Train: દર 8 મિનિટે મળશે ટ્રેન, 47 Extra Trips થી મુસાફરોને મોટી રાહત
આ પણ વાંચો:શું આજે ઈદ-એ-મિલાદના દિવસે શેર બજાર બંધ છે? જાણો ક્યારે આવશે બજારની આગામી રજા
