Reduction in gold import duty: સોનાના ભાવને લઈને દેશના ગ્રાહકો અને જ્વેલરી વેપારીઓ માટે મહત્વના સમાચાર સામે આવી રહ્યા છે. અહેવાલો અનુસાર કેન્દ્ર સરકાર સોના પર લાગતી ઇમ્પોર્ટ ડ્યુટીમાં મોટો ઘટાડો કરવા અંગે વિચાર કરી રહી છે. હાલમાં લાગતી આશરે 15 ટકા ડ્યુટી ઘટાડીને 6 ટકા કરવાની ચર્ચા ચાલી રહી હોવાનું જણાવાય છે. જો આ નિર્ણય અમલમાં આવે છે, તો સ્થાનિક બજારમાં સોનાની કિંમત પર તેની સીધી અસર જોવા મળી શકે છે.

ઇમ્પોર્ટ ડ્યુટી ઘટશે તો શું થશે

સોના(Gold) પરની આયાત ડ્યુટી ઓછી થવાથી વિદેશથી ભારતમાં સોનું લાવવાની કિંમત ઘટી શકે છે. તેની અસર સ્થાનિક સપ્લાય પર પણ પડી શકે છે. બજારમાં સોનાની ઉપલબ્ધતા વધશે તો આગામી તહેવારો અને લગ્નસરાની સીઝનમાં જ્વેલરીની ખરીદીમાં વધારો થવાની શક્યતા છે. ગ્રાહકો માટે સોનું અગાઉની સરખામણીમાં સસ્તું બનવાની આશા પણ વ્યક્ત કરવામાં આવી રહી છે. થોડા સમય પહેલાં સરકાર દ્વારા સોના પરની આયાત ડ્યુટી વધારવાનો નિર્ણય લેવામાં આવ્યો હતો. તે સમયે સોના અને ચાંદીની આયાત પાછળ દેશમાંથી મોટી માત્રામાં વિદેશી ચલણ બહાર જઈ રહ્યું હતું. આ પરિસ્થિતિને ધ્યાનમાં રાખીને આયાત ઘટાડવા અને રૂપિયાની કિંમત પરનું દબાણ ઓછું કરવા માટે ડ્યુટી વધારવામાં આવી હતી.

Goldના ભાવમાં કેટલો ઘટાડો થઈ શકે

ભારત પોતાની સોનાની જરૂરિયાતનો મોટો હિસ્સો આયાત દ્વારા પૂરો કરે છે. જો ઇમ્પોર્ટ ડ્યુટી 15 ટકાથી ઘટીને 6 ટકા થાય છે, તો સોનાની(Gold) કિંમતમાં નોંધપાત્ર ઘટાડો થવાની શક્યતા છે. હાલના ભાવને ધ્યાનમાં રાખીને 24 કેરેટ અને 22 કેરેટ સોનાના ભાવમાં પ્રતિ 10 ગ્રામ હજારો રૂપિયાનો ફરક પડી શકે છે. જોકે વાસ્તવિક ઘટાડો આંતરરાષ્ટ્રીય ભાવ, રૂપિયાની કિંમત અને અન્ય ટેક્સ પર પણ નિર્ભર રહેશે. ડ્યુટીમાં ઘટાડો થાય તો જ્વેલરી ઉદ્યોગને પણ તેનો લાભ મળી શકે છે. કાચા સોનાની આયાત સસ્તી થવાથી વેપારીઓ માટે ખર્ચમાં ઘટાડો થઈ શકે છે અને તહેવારો દરમિયાન ખરીદી વધવાની સંભાવના છે. સાથે જ ઊંચી આયાત ડ્યુટીના કારણે થતી ગેરકાયદેસર સોનાની હેરાફેરી પર પણ નિયંત્રણ લાવવામાં મદદ મળી શકે છે.

હવે સૌની નજર સરકારના અંતિમ નિર્ણય પર

જો સ્થાનિક બજારમાં સોનાના(Gold) ભાવમાં મોટો ઘટાડો થાય તો ગોલ્ડ અને સિલ્વર આધારિત ETFના ભાવ પર પણ અસર પડી શકે છે. આવા સમયે રોકાણકારો માટે બજારની સ્થિતિને સમજવી મહત્વપૂર્ણ રહેશે. નિષ્ણાતોની સલાહ વિના એકસાથે મોટું રોકાણ કરવાને બદલે જોખમ અને પોતાના નાણાકીય લક્ષ્યોને ધ્યાનમાં રાખીને તબક્કાવાર રોકાણ કરવું વધુ યોગ્ય બની શકે છે. હાલ સોનાની ઇમ્પોર્ટ ડ્યુટી ઘટાડવાની વાત ચર્ચા અને અહેવાલોના સ્તરે છે. સરકાર તરફથી અંતિમ નિર્ણય જાહેર થાય ત્યાર બાદ જ સ્પષ્ટ થશે કે ડ્યુટી ખરેખર કેટલી ઘટશે અને તેનો સોનાના ભાવ પર કેટલો સીધો ફાયદો ગ્રાહકોને મળશે.

આ પણ વાંચો:પશ્ચિમ એશિયા પાછળ રહી ગયું; આફ્રિકી દેશ કેન્યા માટે ભારત બન્યું ફ્યુઅલનું સૌથી મોટું સપ્લાયર

આ પણ વાંચો:સપ્ટેમ્બરની શરૂઆત સાથે જ મોટા ફેરફારો; જાણો રસોડાના બજેટ અને મુસાફરી પર કેવી થશે અસર

આ પણ વાંચો:શું આજે ઈદ-એ-મિલાદના દિવસે શેર બજાર બંધ છે? જાણો ક્યારે આવશે બજારની આગામી રજા