આજે નાણાંમંત્રી Interim Budget 2024 રજૂ કરી રહ્યા છે. આ બજેટમાં ખેડૂતો માટે મોટી જાહેરાત કરવામાં આવી શકે. સરકાર વચગાળાના બજેટમાં આગામી નાણાકીય વર્ષ માટે કૃષિ ધિરાણના લક્ષ્યાંકને વધારીને રૂ. 22-25 લાખ કરોડ કરવાની જાહેરાત કરી શકે છે. સૂત્રો દ્વારા પ્રાપ્ત માહિતી મુજબ ચાલુ નાણાકીય વર્ષ માટે સરકારનો કૃષિ-ધિરાણનો લક્ષ્યાંક રૂ. 20 લાખ કરોડ છે. કૃષિ ધિરાણમાં એ સુનિશ્ચિત કરાશે કે દરેક પાત્ર ખેડૂતને સંસ્થાકીય ધિરાણ મળે.
સરકાર વચગાળાના બજેટમાં ખેડૂતોને મોટી રાહત આપી શકે છે. કુદરતી આફતના કારણે ખેડૂતોના પાકને થઈ રહેલ નુકસાનમાં મદદ કરવા કૃષિ ધિરાણમાં વધારો કરે તેવી સંભાવના છે. પ્રાપ્ત માહિતી મુજબ હાલમાં ખેડૂતોને વાર્ષિક સાત ટકાના રાહત દરે 3 લાખ રૂપિયા સુધીની કૃષિ લોન મળી રહી છે. જેમાં વધારો કરવામાં આવી શકે છે. સમયસર ચુકવણી કરનારા ખેડૂતોને દર વર્ષે ત્રણ ટકાની વધારાની વ્યાજ છૂટ પણ આપવામાં આવી રહી છે. પરંતુ વ્યાજ દર મુજબ બજાર દર ખેડૂતો લાંબા ગાળાની લોન પણ લઈ શકે છે. હાલમાં, સરકાર તમામ નાણાકીય સંસ્થાઓ માટે રૂ. ત્રણ લાખ સુધીની ટૂંકા ગાળાની કૃષિ લોન પર બે ટકાની વ્યાજ સબવેન્શન આપે છે.
સૂત્રોએ જણાવ્યું હતું કે કૃષિ મંત્રાલયે કેન્દ્રિત અભિગમના ભાગરૂપે ‘ક્રેડિટ’ (લોન માટે) પર એક અલગ વિભાગ પણ બનાવ્યો છે. કૃષિ-ધિરાણ પર વધુ ધ્યાન આપવામાં આવી રહ્યું છે. છેલ્લા 10 વર્ષમાં વિવિધ કૃષિ અને સંલગ્ન પ્રવૃત્તિઓ માટે લોનનું વિતરણ લક્ષ્યાંક કરતાં વધુ રહ્યું છે. નાણાકીય વર્ષ 2024-25 માટે કૃષિ ધિરાણનો લક્ષ્યાંક વધીને 22-25 લાખ કરોડ રૂપિયા થઈ શકે છે. સરકાર બાકી રહેલા પાત્ર ખેડૂતોને ઓળખવા અને તેમને ક્રેડિટ નેટવર્કમાં લાવવા માટે અનેક ઝુંબેશ ચલાવી રહી છે. કૃષિ-ધિરાણનું વિતરણ ચાલુ નાણાકીય વર્ષમાં પણ લક્ષ્યાંક કરતાં વધી જાય તેવી શક્યતા પણ જોવાઈ રહી છે.” નાણાકીય વર્ષ 2022-23 દરમિયાન કુલ કૃષિ ધિરાણનું વિતરણ 21.55 લાખ કરોડ રૂપિયા હતું. આ સમયગાળા માટે નિર્ધારિત રૂ. 18.50 લાખ કરોડના લક્ષ્યાંક કરતાં આ વધુ હતું.
સરકારી ડેટા દર્શાવે છે કે વર્તમાન નાણાકીય વર્ષમાં, ડિસેમ્બર 2023 સુધીમાં 20 લાખ કરોડ રૂપિયાના કૃષિ-ધિરાણના લક્ષ્યાંકમાંથી લગભગ 82 ટકા હાંસલ કરવામાં આવ્યા છે. સત્તાવાર માહિતી અનુસાર, આ સમયગાળામાં ખાનગી અને જાહેર બંને બેંકો દ્વારા લગભગ રૂ. 16.37 લાખ કરોડની લોનનું વિતરણ કરવામાં આવ્યું છે. માહિતી અનુસાર, કિસાન ક્રેડિટ કાર્ડ (KCC)ના નેટવર્ક દ્વારા 7.34 કરોડ ખેડૂતોએ લોન મેળવી છે. 31 માર્ચ 2023 સુધી લગભગ રૂ. 8.85 લાખ કરોડ બાકી હતા.
આ પણ વાંચો:ઝારખંડ/ઝારખંડના ભૂતપૂર્વ મુખ્યમંત્રી હેમંત સોરેનની ધરપકડ,કલાકોની પુછપરછ બાદ EDએ કરી મોટી કાર્યવાહી
આ પણ વાંચો:Pushpa 2/‘પુષ્પા 2’ના સેટ પરથી અલ્લુ અર્જુનનો ફોટો લીક, સાડી પહેરીને ‘ગંગમ્મા થલ્લી’ અવતારમાં આ રીતે દેખાતા હતા અભિનેતા
આ પણ વાંચો:પ્રહાર/ઝારખંડના પૂર્વ મુખ્યમંત્રી હેમંત સોરેનની ધરપકડ બાદ રાહુલ ગાંધીએ ભાજપ પર કર્યા આકરા પ્રહાર
