દર વર્ષે 18 મેના રોજ ઇન્ટરનેશનલ મ્યુઝિયમ ડે તરીકે ઉજવવામાં આવે છે. આ એક એવી જગ્યા છે કે જ્યાં તમે તે જગ્યાની સંસ્કૃતિ, પરંપરા, સ્થાપત્ય સાથે જોડાઈ શકો છો. આ સાથે જ દુનિયાભરમાં ઘણા મ્યુઝિયમ છે, જેની પોતાની એક વિશેષતા છે. તો આજે એવા જ કેટલાક રસપ્રદ મ્યુઝિયમ વિશેની વાત કરીએ, જ્યાં તમારે એક વાર તો આ સ્થળની અવશ્ય મુલાકાત લેવી જોઈએ.
ઈમ્પીરીયલ વોર મ્યુઝિયમ, ઈંગ્લેન્ડ
આ મ્યુઝિયમ પ્રવાસીઓમાં ખૂબ જ લોકપ્રિય છે. આ મ્યુઝિયમ પ્રથમ વિશ્વ યુદ્ધ દરમિયાન બનાવવામાં આવ્યું હતું. અને ખાસ કરી ને જો તમને આધુનિક ઈતિહાસ જાણવામાં રસ હોય તો પછી એકવાર તો તમારે આ મ્યુઝિયમની મુલાકાત જરૂરથી લેવી જોઈએ. આ મ્યુઝિયમની મુલાકાત લેવાનો સમય સવારે 10:00 થી સાંજના 6:00 વાગ્યા સુધીનો છે.
ઉફિઝી ગેલેરી, ફ્લોરેન્સ, ઇટાલી
ઉફીઝી ગેલેરી ઈટલીના સુંદર શહેર ફ્લોરેન્સ ખાતે આવેલી છે. તે વિશ્વના પ્રસિદ્ધ સૌથી મોટા સંગ્રહાલયમાંનું એક માનવામાં આવે છે. આ મ્યુઝિયમ તેના આકર્ષક કલા પ્રદર્શન માટે પ્રવાસીઓમાં ખૂબ જ લોકપ્રિય છે. બોટિસેલ્લી, ગિયોટ્ટો, સિમાબ્યુ, માઇકેલેન્ગીલો, લિયોનાર્ડો દા વિન્સી અને રાફેલ જેવા મહાન કલાકારોની કૃતિઓ આ સંગ્રહાલયમાં મુખ્ય આકર્ષણ છે. અહીં પ્રવેશનો સમય સવારે 8:15 થી સાંજના 6:30 સુધીનો છે. આ મ્યુઝિયમ દર સોમવારે બંધ રહે છે.
મેટ્રોપોલિટન મ્યુઝિયમ ઓફ આર્ટ, ન્યુ યોર્ક, યુએસએ
મેટ્રોપોલિટન મ્યુઝિયમ ઓફ આર્ટ 1872 માં બનાવવામાં આવ્યું હતું. આ મ્યુઝિયમ તેના ગોથિક આર્કિટેક્ચર માટે પ્રખ્યાત છે. તમે અહીં માનવ ઇતિહાસ કલાના લગભગ દરેક સ્વરૂપો શોધી શકો છો. આ મ્યુઝિયમમાં સમગ્ર વર્ષ દરમિયાન મોટી સંખ્યામાં પ્રવાસીઓની ભીડ રહે છે. આ મ્યુઝિયમમાં પ્રવેશનો સમય સવારે 10:00 થી સાંજના 5:00 વાગ્યા સુધીનો છે. મ્યુઝિયમ દર મંગળવાર અને બુધવારે બંધ રહે છે.
બ્રિટિશ મ્યુઝિયમ, લંડન
બ્રિટિશ મ્યુઝિયમ વિશ્વના પ્રખ્યાત સંગ્રહાલયોમાંનું એક માનવામાં આવે છે. તે બ્રિટનની રાજધાની લંડનમાં આવેલું છે. આ મ્યુઝિયમની સ્થાપના વર્ષ 1753માં કરવામાં આવી હતી, તેને માનવ ઇતિહાસના સંગ્રહાલય તરીકે ઓળખવામાં આવે છે. અહીં મુલાકાત લેવાનો સમય સવારે 10:00 થી સાંજના 5:00 સુધીનો છે. તમારે અહીં કોઈ પ્રવેશ ફી ચૂકવવાની જરૂર નથી.
વેટિકન મ્યુઝિયમ, ઇટાલી
આ મ્યુઝિયમ રોમના વેટિકન સિટીમાં આવેલું છે. વેટિકન મ્યુઝિયમ એ વિશ્વના સૌથી જૂના અને સૌથી વધુ મુલાકાત લેવાયેલા સંગ્રહાલયોમાંનું એક છે. આ મ્યુઝિયમની સ્થાપના પોપ જુલિયસ II દ્વારા 6ઠ્ઠી સદીમાં કરવામાં આવી હતી. જો તમે ઇટાલીની મુલાકાત લેવા જાઓ છો, તો આ મ્યુઝિયમ અવશ્ય જુઓ.
આ પણ વાંચો : World Hypertension Day 2023/ આ કારણોથી બાળકોને પણ થઇ શકે છે હાઈ બીપીની સમસ્યા
આ પણ વાંચો : Bollywood/ ‘બજરંગી ભાઈજાન’ની સીકવલમાં નહીં જોવા મળે આ અભિનેતા! તો કોણ હશે નવું કિરદાર
આ પણ વાંચો: Bollywood Masala/ શાહરૂખ લેશે ડોન 3 ની ફિલ્મમાંથી એક્ઝિટ, આ અભિનેતા સાથે કરશે ડોન ફ્રેન્ચાઇઝી રીબૂટ