IPL 2026 Match Summary: બેંગલુરુના એમ. ચિન્નાસ્વામી સ્ટેડિયમમાં રમાયેલી રોમાંચક મેચમાં RCB એ LSG ને 5 વિકેટે પરાજય આપ્યો છે. આ જીતના અસલી હીરો જોશ હેઝલવુડ રહ્યા, જેમણે પોતાની ચુસ્ત બોલિંગ (1/20) થી લખનૌના બેટર્સને ઘૂંટણિયે પાડી દીધા. વિરાટ કોહલીની જવાબદારીપૂર્વકની ઇનિંગ અને ટિમ ડેવિડના ફિનિશિંગ ટચ સાથે RCB હવે પોઈન્ટ ટેબલમાં સૌથી ઉપર પહોંચી ગયું છે.
જોશ હેઝલવુડનો ‘ગોલ્ડન’ સ્પેલ
રાજસ્થાન સામેની છેલ્લી મેચમાં મોંઘા સાબિત થયેલા હેઝલવુડે શાનદાર કમબેક કર્યું. 4 ઓવરમાં માત્ર 20 રન આપીને 1 વિકેટ ઝડપનાર હેઝલવુડને ‘પ્લેયર ઓફ ધ મેચ’ જાહેર કરવામાં આવ્યો. RCB ના ક્રિકેટ ડાયરેક્ટર મો બોબટે તેની પ્રશંસા કરતા જણાવ્યું કે હેઝલવુડ ટીમ માટે ‘સોના જેટલો કિંમતી’ છે.
His first home game and he announces himself with a match-winning performance 🏅
Josh Hazlewood is named the Player of the Match 👏👏#TATAIPL | #KhelBindaas | #RCBvLSG | @RCBTweets pic.twitter.com/50ODohqwyv
— IndianPremierLeague (@IPL) April 15, 2026
રિષભ પંતની ઈજા અને LSG નો ધબડકો
મેચનો સૌથી મોટો ટર્નિંગ પોઈન્ટ ત્યારે આવ્યો જ્યારે હેઝલવુડનો એક શોર્ટ બોલ રિષભ પંતની કોણી પર લાગ્યો. પંત ઈજાગ્રસ્ત થઈને ‘રિટાયર્ડ હર્ટ’ થયો, જે લખનૌ માટે મોટો ઝટકો સાબિત થયો. LSG ની ટીમ માત્ર 146 રન પર જ સમેટાઈ ગઈ હતી.
વિરાટ કોહલીની શાનદાર બેટિંગ
147 રનના લક્ષ્યાંકનો પીછો કરવા ઉતરેલી RCB તરફથી IPL માં વિરાટ કોહલીએ મોરચો સંભાળ્યો હતો. કોહલીએ 34 બોલમાં 49 રન બનાવ્યા, જોકે તે માત્ર 1 રન માટે અડધી સદી ચૂકી ગયો હતો. અંતમાં ટિમ ડેવિડે 8 બોલમાં 14 રન ફટકારીને ટીમને વિજય અપાવ્યો હતો.
As convincing as it gets 🙌
A comfortable 5️⃣-wicket win and @RCBTweets remain unbeaten at home ✌️
Scorecard ▶️ https://t.co/UztAZM9l0q#TATAIPL | #KhelBindaas | #RCBvLSG pic.twitter.com/pFkug0okkt
— IndianPremierLeague (@IPL) April 15, 2026
IPL માં બોલરોનો દબદબો
ભુવનેશ્વર કુમાર (3/27) અને રસિક સલામ ડારે (4/24) પણ શાનદાર બોલિંગ કરી હતી. જોકે, લખનૌ તરફથી કૃણાલ પંડ્યાએ 2 વિકેટ ઝડપી હતી, પણ તે જીત માટે પૂરતી નહોતી.
