NCB હવે ક્રૂઝ પાર્ટી ડ્રગ્સ કેસમાં આર્યન ખાન તેમજ ચંકી પાંડે ની પુત્રી અનન્યા પાંડેની પૂછપરછ કરી રહી છે. તપાસ એજન્સી અનન્યાની સતત પૂછપરછ કરી રહી છે. તાજેતરમાં NCB એ અનન્યા પાંડેને પૂછપરછ માટે બોલાવી હતી, પરંતુ તે નિર્ધારિત સમય કરતાં લગભગ સાડા ત્રણ કલાક મોડી પહોંચી હતી. મોડા પહોંચતા NCB અધિકારી સમીર વાનખેડેએ તેને ઉગ્ર ઠપકો આપ્યો હતો. આ દરમિયાન સમાચાર આવી રહ્યા છે કે અનન્યા પાંડે ને મેકર્સ દ્વારા સાઉથ સુપરસ્ટાર થલાપતિ વિજયની 66મી ફિલ્મ થલાપતિમાંથી બહારનો રસ્તો બતાવી દેવામાં આવ્યો છે. જો કે, આ સમાચારમાં કેટલી સત્યતા છે તે તો સમય આવશે ત્યારે જ ખબર પડશે, પરંતુ જો બોલિવૂડ લાઈફના સમાચારો પર વિશ્વાસ કરવામાં આવે તો નજીકના સૂત્રનું કહેવું છે કે તેને આ ફિલ્મની બિલકુલ ઓફર કરવામાં આવી નથી. આવી સ્થિતિમાં ફિલ્મમાંથી બહાર નીકળવાનો કોઈ સવાલ જ નથી.
આ પણ વાંચો :ફૂલોનો ગુલદસ્તો લઈને અનન્યા પાંડેને મળવા પહોંચ્યો ઈશાન ખટ્ટર? વાયરલ થયો વીડિયો
જણાવી દઈએ કે NCB એ અનન્યા પાંડેને બીજી વખત પૂછપરછ માટે હાજર થવા કહ્યું હતું. ડ્રગ્સના કેસમાં અનન્યાની લગભગ 4 કલાક સુધી પૂછપરછ કરવામાં આવી હતી. સમાચાર અનુસાર, આર્યન અને અનન્યા વચ્ચેની ચેટની કેટલીક વિગતો સામે આવી છે. અનન્યા હવે આ અંગે NCB ના રડાર પર આવી ગઈ છે. અનન્યાને લગતી ત્રણ ચેટ સૌથી મહત્વની છે. 2018 અને 2019 ની વચ્ચે, આ ચેટ્સ ગાંજા વિશે થઈ હતી. NCB ના એક વરિષ્ઠ અધિકારીના જણાવ્યા અનુસાર અનન્યાની એક ચેટમાં તે આર્યનને કહે છે કે તેણે પહેલા પણ ગાંજો અજમાવ્યો છે અને તે ફરી પ્રયાસ કરવા માંગે છે. જોકે, બાદમાં અનન્યાએ કહ્યું કે તે મજાક કરી રહી છે.
NCB ના અહેવાલો અનુસાર, એક ચેટમાં આર્યન અનન્યાને પૂછતો હતો કે શું કોઈ જુગાડ થઈ શકે? આના પર અનન્યા કહે છે – હું વ્યવસ્થા કરીશ. NCB એ અનન્યાને આ ચેટ બતાવીને પ્રશ્ન પૂછ્યો. અનન્યા આના પર સ્તબ્ધ થઈ ગઈ અને તેણે કહ્યું કે તે મજાક કરી રહી છે. અનન્યાએ કહ્યું કે અમારી વચ્ચે જે પણ વાતચીત થઈ તે સિગારેટ વિશે હતી. જ્યારે અનન્યાને પૂછવામાં આવ્યું કે શું તેણે ડ્રગ્સ લીધું છે, તો તેણે સ્પષ્ટ ના પાડી દીધી.
આ પણ વાંચો :આ સેલેબ્સ લગ્નેત્તર સંબંધોના કારણે ચર્ચામાં રહ્યા છે
હવે NCBને શંકા છે કે બંને માત્ર ડ્રગ્સ વિશે વાત કરતા હતા. જણાવી દઈએ કે NCBની પૂછપરછના કારણે અનન્યાના કામ પર પણ અસર પડી રહી છે. NCBએ અનન્યાનો ફોન જપ્ત કરી લીધો છે. આવી સ્થિતિમાં અનન્યાએ તેની ટીમને થોડા દિવસો માટે તેમના શૂટનું ફરીથી શેડ્યૂલ કરવાનું કહ્યું છે.
આ પણ વાંચો : DDLJ હવે અમેરિકાના થિયેટરમાં મળશે જોવા, આદિત્ય ચોપરાએ કરી જાહેરાત
આ પણ વાંચો :OMG 2 નું પ્રથમ પોસ્ટર રિલીઝ, જુઓ અક્ષય કુમારને ભગવાન શિવના રૂપમાં
આ પણ વાંચો :પ્રભાસના બર્થડે પર રિલીઝ થયું રાધે શ્યામનું ટીઝર, વિક્રમાદિત્ય બધુ જ જાણે છે પણ…
