Secret to Happy Life: કોઈપણ સંબંધનો પાયો ‘સત્ય’ પર ટકેલો હોય છે, પણ સત્ય ક્યારે અને કેવી રીતે કહેવું તે એક કળા છે. ઘણીવાર સ્ત્રીઓ પોતાના પાર્ટનર (Partner) પ્રત્યેની વફાદારી સાબિત કરવા અથવા મન હળવું કરવા માટે ભૂતકાળની કે વર્તમાનની એવી વાતો કહી દે છે જે પુરુષના અહમ અથવા માનસિક શાંતિને ઠેસ પહોંચાડે છે. આનાથી સંબંધોમાં શંકા અને કડવાશ જન્મે છે. અહીં એવી 5 મુખ્ય વાતો છે જે મહિલાઓએ શેર કરવાનું ટાળવું જોઈએ.
ભૂતકાળના સંબંધોની અતિશય વિગત
તમારા ભૂતકાળમાં કોણ હતું તે તમારા પાર્ટનરને જાણવું જોઈએ તે વાત સાચી છે, પરંતુ તે વ્યક્તિ સાથે તમે કેવી રીતે સમય વિતાવ્યો હતો તેની ‘ઈન્ટિમેટ’ વિગતો શેર કરવી એ મોટી ભૂલ સાબિત થઈ શકે છે. પુરુષો સ્વભાવે થોડા પઝેસિવ હોય છે. જ્યારે તમે જૂના પાર્ટનર સાથેની નિકટતા વિશે વાત કરો છો, ત્યારે તમારો અત્યારનો પાર્ટનર અજાણતામાં પોતાની સરખામણી તે વ્યક્તિ સાથે કરવા લાગે છે. આનાથી તેમનામાં ઇનસિક્યોરિટી (અસુરક્ષા) પેદા થાય છે અને ભવિષ્યમાં તમારા ઝઘડામાં આ વાતો હથિયાર તરીકે વપરાઈ શકે છે.
Partnerના પરિવાર કે મિત્રો પ્રત્યેની અંગત નફરત
દરેક સ્ત્રીને તેના સાસરિયા કે પતિના મિત્રો ગમતા જ હોય તેવું જરૂરી નથી. જો કે, આ વાત સીધી રીતે અને કડવાશથી કહેવી જોખમી છે. પુરુષો માટે તેમનો પરિવાર (Partner) અને મિત્રો એક સપોર્ટ સિસ્ટમ હોય છે. જો તમે વારંવાર તેમની ટીકા કરશો અથવા નફરત વ્યક્ત કરશો, તો તમારા પાર્ટનરને એવું લાગશે કે તમે તેમને તેમના મૂળિયાંથી અલગ કરવા માંગો છો. આનાથી તમારા પ્રત્યે તેમનો આદર ઓછો થઈ શકે છે. જો કોઈ સમસ્યા હોય, તો તે ‘નફરત’ તરીકે નહીં પણ ‘સુધારા’ તરીકે રજૂ કરવી જોઈએ.
અન્ય પુરુષો તરફથી મળતા એટેન્શન વિશેની વાતો
ઘણી મહિલાઓને એવું લાગે છે કે જો તેઓ તેમના પાર્ટનરને (Partner) કહેશે કે બીજા પુરુષો તેમને પસંદ કરે છે અથવા ફ્લર્ટ કરે છે, તો તેમના પાર્ટનરને ‘જેલસી’ (ઈર્ષ્યા) થશે અને તેઓ વધુ પ્રેમ કરશે. પરંતુ હકીકતમાં આ રણનીતિ ઘણીવાર ઉંધી પડે છે. આનાથી પાર્ટનરના મનમાં શંકાના બીજ રોપાય છે. તેમને લાગે છે કે તમે કદાચ બહાર વિકલ્પો શોધી રહ્યા છો અથવા તમે સુરક્ષિત નથી. આનાથી સંબંધમાં વિશ્વાસ ઓછો થાય છે અને પાર્ટનર તમારા પર અકારણ રોક-ટોક કરવાનું શરૂ કરી શકે છે.
ફ્રેન્ડ્સના સિક્રેટ્સ અથવા તેમની સાથે કરેલી પાર્ટનરની ટીકા
મહિલાઓ અવારનવાર પોતાની બહેનપણીઓ સાથે પોતાના પાર્ટનર (Partner) ની ફરિયાદો કરતી હોય છે. પરંતુ આ વાત તમારા પાર્ટનરને ક્યારેય ન કહો કે “મેં મારી ફ્રેન્ડને તારી આ ભૂલ વિશે કહ્યું હતું.” પુરુષોને તેમની અંગત જીવનની વાતો બહાર જાય તે જરાય પસંદ હોતું નથી. જો તેમને ખબર પડશે કે તેમની નબળાઈઓ તમારી ફ્રેન્ડ સર્કલમાં ચર્ચાય છે, તો તેઓ તમારી સામે ખુલીને વાત કરતા ડરશે. તેમજ, તમારી ફ્રેન્ડ્સના એવા રહસ્યો જે તમારા પાર્ટનરને (Partner) જાણવા જરૂરી નથી, તે પણ શેર ન કરો, કારણ કે તે તમારી વિશ્વાસપાત્રતા પર સવાલ ઉભા કરે છે.
બેડરૂમ લાઈફમાં અસંતોષની ખોટી સરખામણી
સંબંધોમાં શારીરિક સુખ મહત્વનું છે, પરંતુ જો તમે અસંતુષ્ટ હોવ તો તે વિશે વાત કરવાની રીત ખૂબ જ નાજુક હોવી જોઈએ. જો તમે તમારા પાર્ટનર (Partner) ને એમ કહો કે “મારો ભૂતકાળનો અનુભવ વધુ સારો હતો” અથવા “બીજાના પતિઓ આ બાબતે વધુ સારા છે,” તો તે પુરુષના આત્મસન્માનને કાયમી નુકસાન પહોંચાડી શકે છે. આનાથી તેઓ લઘુતાગ્રંથિ અનુભવે છે અને ધીમે ધીમે તમારાથી દૂર થવા લાગે છે. કોઈપણ સુધારો જોઈએ તો તે પ્રોત્સાહન આપીને લાવો, ટીકા કે સરખામણી કરીને નહીં.
સંબંધોમાં ‘બધું જ કહી દેવું’ એ હંમેશા ઈમાનદારી નથી હોતી, ક્યારેક તે મૂર્ખામી પણ હોઈ શકે છે. સમજદાર સ્ત્રી એ છે જે જાણે છે કે કઈ વાતો સંબંધને મજબૂત બનાવશે અને કઈ વાતો તેને તોડી નાખશે. વિશ્વાસ અને પ્રેમ (Love) વધારવા માટે હકારાત્મક બાબતો પર ધ્યાન આપો અને જૂની નકારાત્મક વાતોને મનમાં દબાવી રાખી આગળ વધવું એ જ શ્રેષ્ઠ માર્ગ છે.
આ પણ વાંચો:માનસિક સ્વાસ્થ્ય અને સંબંધોનો સીધો સંબંધ: જાણો કેવી રીતે તમારું મગજ નક્કી કરે છે તમારો પ્રેમ
આ પણ વાંચો:પાર્ટનર સાથે થાય છે અવારનવાર મતભેદ? બ્લેમ ગેમ રમવાને બદલે અપનાવો આ 5 ટિપ્સ, સંબંધોમાં વધશે મીઠાશ
