ભારતમાં તમામ જીવ જંતુઓની યાદી બનાવતા 1 લાખથી વધુ પ્રજાતિઓ હોવાનું સામે આવ્યું

Government of India/ ભારતમાં તમામ જીવ જંતુઓની યાદી બનાવતા 1 લાખથી વધુ પ્રજાતિઓ હોવાનું સામે આવ્યું

ભારતીય પ્રાણીશાસ્ત્રીય સર્વેક્ષણ 1916 માં 1લી જુલાઈના રોજ સ્થાપના કરવામાં આવી હતી. આજે 1લી જુલાઈ છે અને ઝૂઓલોજિકલ સર્વે ઓફ ઈન્ડિયા (ZSI)ની સ્થાપનાનું 109મું વર્ષ છે.

ભારતમાં તમામ જીવ જંતુઓની યાદી બનાવવામાં આવી. આ યાદી મુજબ ભારતમાં 1 લાખથી વધુ પ્રજાતિઓ હોવાનું સામે આવ્યું. ભારતીય પ્રાણીશાસ્ત્રીય સર્વેક્ષણ 1916 માં 1લી જુલાઈના રોજ સ્થાપના કરવામાં આવી હતી. આજે 1લી જુલાઈ છે અને ઝૂઓલોજિકલ સર્વે ઓફ ઈન્ડિયા (ZSI)ની સ્થાપનાનું 109મું વર્ષ છે. અને આ માટે ભારતના કેન્દ્રીય પર્યાવરણ મંત્રી ભૂપેન્દ્ર યાદવ સમિટમાં ભાગ લેવા કોલકાતા પહોંચ્યા હતા.

પ્રાણી વર્ગીકરણ સમિટ 2024 માં આ માહિતી આપતાં, ભારતીય પ્રાણીશાસ્ત્રીય સર્વેક્ષણ દ્વારા વાર્ષિક ધોરણે આયોજિત, કેન્દ્રીય પ્રધાન ભૂપેન્દ્ર યાદવે જણાવ્યું હતું કે ભારતમાં 1,04,561 પ્રજાતિઓને આવરી લેવામાં આવી છે. અને આ સાથે જ ભારત વિશ્વનો પહેલો અને એકમાત્ર દેશ બની ગયો છે જેણે તમામ જીવંત પ્રાણીઓની યાદી બનાવી છે.

ભારતમાં એક લાખથી વધુ પ્રજાતિઓ અસ્તિત્વ ધરાવે છે
ભારત સરકારના કેન્દ્રીય પર્યાવરણ મંત્રી ભૂપેન્દ્ર યાદવે કોલકાતામાં ઝુલોજિકલ સર્વે ઓફ ઈન્ડિયા (ZSI) દ્વારા આયોજિત એનિમલ ટેક્સોનોમી સમિટ 2024માં પણ ભાગ લીધો હતો. પહેલા તેમણે જૈવવિવિધતા સંરક્ષણ માટે દેશની પ્રશંસા કરી, કેન્દ્રીય મંત્રીએ કહ્યું, ‘ભારત જૈવવિવિધતા સંરક્ષણના મામલે વૈશ્વિક ચેમ્પિયન છે. આપણા દેશની પરંપરાઓ, નૈતિકતા અને મૂલ્યો પ્રકૃતિનો આદર કરે છે અને જૈવવિવિધતા સંરક્ષણને પ્રોત્સાહન આપે છે.

આ પછી, પ્રાણીઓના ચેક લિસ્ટ વિશે વાત કરતા તેમણે કહ્યું કે ‘ભારતમાં 104,561 પ્રાણીઓની પ્રજાતિઓ આવરી લેવામાં આવી છે. ભારતે તમામ પ્રાણીઓની ચેકલિસ્ટ તૈયાર કરી છે. આ સાથે ભારત આવું કરનાર વિશ્વનો પ્રથમ દેશ પણ બની ગયો છે. આ સાથે તેમણે વધુમાં કહ્યું હતું કે ‘ભારત જૈવવિવિધતા દસ્તાવેજીકરણમાં વિશ્વ લીડર તરીકે પોતાને સાબિત કરી રહ્યું છે.’

પોર્ટલ બહાર પાડ્યું
કોલકાતાના વિશ્વ બાંગ્લા કન્વેન્શન સેન્ટર ખાતે આયોજિત એનિમલ ટેક્સોનોમી સમિટ 2024 દરમિયાન, કેન્દ્રીય પર્યાવરણ મંત્રી ભૂપેન્દ્ર યાદવે ભારતના પ્રાણીઓના ચેકલિસ્ટ પોર્ટલનું પણ લોન્ચિંગ કર્યું હતું. જેનું નામ ‘Fauna of India Checklist Portal’ છે જે તેના પ્રકારનું પ્રથમ પોર્ટલ છે. જેમાં ભારતમાં જોવા મળતી તમામ પ્રાણીઓની પ્રજાતિઓનો સમાવેશ કરવામાં આવ્યો છે.

આ માટે, 36 પ્રકારના ફાયલા માટે વિવિધ અને જાણીતા વર્ગીકરણના આધારે કુલ 121 ચેકલિસ્ટનો સમાવેશ કરવામાં આવ્યો છે. આમાં કેટલાક જીવોનો સમાવેશ થાય છે જેમની પ્રજાતિઓ જોખમમાં છે. તો કેટલાક એવા છે જે પહેલાથી હાજર છે અને તેનો સમાવેશ કરવામાં આવ્યો છે.