Jaish-e-Mohammed Honey-Trap Conspiracy West Bengal: પશ્ચિમ બંગાળમાં આતંકવાદી સંગઠન જૈશ-એ-મોહમ્મદની(Jaish-e-Mohammed ) એક મોટી સાઝિશનો પર્દાફાશ થયો છે. સ્પેશિયલ ટાસ્ક ફોર્સ (STF) ની તપાસમાં સામે આવ્યું છે કે જૈશ દ્વારા પશ્ચિમ બંગાળ અને અન્ય રાજ્યોના મંત્રીઓને ફસાવવા માટે હની-ટ્રેપનું આયોજન કરવામાં આવ્યું હતું અને આ માટે મોટી સંખ્યામાં યુવતીઓની ભરતી કરવાની યોજના હતી.
ISI નું હની-ટ્રેપ અને જાસૂસીનું મોડ્યુલ
અધિકારીઓના જણાવ્યા મુજબ, આ મોડ્યુલનું મુખ્ય કેન્દ્ર પશ્ચિમ બંગાળ હતું. પાકિસ્તાનની ગુપ્તચર એજન્સી ISI એ પશ્ચિમ બંગાળના મુખ્યમંત્રીને નિશાન બનાવવા તેમજ મંત્રીઓ અને તેમના પુત્રોને હની-ટ્રેપમાં ફસાવવા માટે મહિલાઓની ભરતી કરવાનું કામ સોંપ્યું હતું.
હની-ટ્રેપ ઓપરેશન માટે યુવતીઓની શોધ કરવામાં આવી રહી હતી અને તેમને આ કામ બદલ મોટી રકમ આપવાનું વચન આપવામાં આવ્યું હતું. આ ઉપરાંત, મંત્રીઓના પુત્રોનું અપહરણ કરીને ખંડણી વસૂલવાની યોજના પણ સામે આવી છે.
સોશિયલ મીડિયા ઇન્ફ્લુએન્સરની સંડોવરી
પશ્ચિમ બંગાળ STF ની તપાસમાં એક નવો પેટર્ન સામે આવ્યો છે. ઝારખંડની રહેવાસી 22 વર્ષીય કથિત સોશિયલ મીડિયા ઇન્ફ્લુએન્સર અર્પિતા સરકારની પણ આ મામલે ધરપકડ કરવામાં આવી છે. એજન્સીઓ તેના ડિજિટલ રેકોર્ડ અને કોલકાતાના વારંવારના પ્રવાસોની તપાસ કરી રહી છે.
સુરક્ષા એજન્સીઓનું માનવું છે કે બોમ્બ વિસ્ફોટ જેવા જોખમોથી બચવા માટે ISI હવે આ પ્રકારની સોફ્ટ ટાર્ગેટ અને હની-ટ્રેપ (Jaish-e-Mohammed ) જેવી ગુપ્ત રણનીતિઓ અપનાવી રહી છે, જેથી ભારતમાં અસ્થિરતા ફેલાવી શકાય.
