Jamnagar News: જામનગર સ્થિત ગુજરાત આયુર્વેદ યુનિવર્સિટીમાં BAMS પરીક્ષાના પેપર લીક (Jamnagar BAMS Paper Leak)ના આક્ષેપો બાદ યુનિવર્સિટી તંત્રમાં મોટો વહીવટી ફેરફાર કરવામાં આવ્યો છે. ઇન્ચાર્જ કુલપતિ ડૉ. નરેશ જૈનને તેમના પદના ચાર્જમાંથી સત્તાવાર રીતે મુક્ત કરવામાં આવ્યા છે. તેમની જગ્યાએ ડૉ. માનસી દેશપાંડેને નવા ઇન્ચાર્જ વાઇસ ચાન્સલર તરીકે જવાબદારી સોંપવામાં આવી છે.
BAMS પરીક્ષાના પેપર લીક (Jamnagar BAMS Paper Leak)ના આક્ષેપોને લઈને છેલ્લા કેટલાક સમયથી યુનિવર્સિટીનું નામ ચર્ચામાં હતું. આ ઘટનાને પગલે વિદ્યાર્થીઓ અને શૈક્ષણિક વર્તુળોમાં પણ નારાજગી જોવા મળી હતી. યુનિવર્સિટીની પરીક્ષા વ્યવસ્થા અને વહીવટી કામગીરી અંગે સવાલો ઊઠ્યા બાદ ઇન્ચાર્જ કુલપતિને ચાર્જમાંથી મુક્ત કરવાનો નિર્ણય લેવામાં આવ્યો છે.
ડૉ. નરેશ જૈનને પદ પરથી મુક્ત કરાયા
ગુજરાત આયુર્વેદ યુનિવર્સિટીના ઇન્ચાર્જ કુલપતિ તરીકે જવાબદારી સંભાળતા ડૉ. નરેશ જૈનને હવે આ પદના ચાર્જમાંથી હટાવવામાં આવ્યા છે. પેપર લીક (Jamnagar BAMS Paper Leak)ના વિવાદ વચ્ચે થયેલા આ વહીવટી ફેરફારને મહત્વપૂર્ણ નિર્ણય તરીકે જોવામાં આવી રહ્યો છે.યુનિવર્સિટીની પરીક્ષા વ્યવસ્થા અંગે ઊભા થયેલા પ્રશ્નો અને સમગ્ર વિવાદને ધ્યાનમાં રાખીને હવે નવા ઇન્ચાર્જ કુલપતિ સમક્ષ વહીવટી વ્યવસ્થામાં વિશ્વાસ પુનઃસ્થાપિત કરવાનો પડકાર રહેશે.
ડૉ. માનસી દેશપાંડેને નવી જવાબદારી
ડૉ. નરેશ જૈનને ચાર્જમાંથી મુક્ત કર્યા બાદ ડૉ. માનસી દેશપાંડેને ગુજરાત આયુર્વેદ યુનિવર્સિટીના નવા ઇન્ચાર્જ વાઇસ ચાન્સલર તરીકે જવાબદારી સોંપવામાં આવી છે.નવી જવાબદારી સંભાળ્યા બાદ યુનિવર્સિટીની પરીક્ષા પ્રક્રિયાને વધુ પારદર્શક અને વિશ્વસનીય બનાવવી તેમજ વિદ્યાર્થીઓમાં વિશ્વાસ જાળવવો તેમના માટે મહત્વપૂર્ણ પડકાર બની શકે છે.
શું છે BAMS પેપર લીક (Jamnagar BAMS Paper Leak)નો સમગ્ર વિવાદ?
જામનગરની ગુજરાત આયુર્વેદ યુનિવર્સિટીમાં BAMSના ત્રીજા વર્ષની પરીક્ષાને લઈને પેપર લીક (Jamnagar BAMS Paper Leak)ના આક્ષેપો સામે આવ્યા હતા. આ વિવાદ ‘શલ્ય તંત્ર-1’ એટલે કે સર્જરી વિષયની પરીક્ષા સાથે જોડાયેલો હતો. આક્ષેપ મુજબ પરીક્ષા પહેલાં કેટલાક પ્રશ્નો સોશિયલ મીડિયા અને મેસેજિંગ પ્લેટફોર્મ પર વાયરલ થયા હતા. ત્યારબાદ વાયરલ થયેલા પ્રશ્નો અને પરીક્ષામાં પૂછાયેલા મૂળ પ્રશ્નપત્ર વચ્ચે સામ્ય જોવા મળતાં પેપર લીકની આશંકા વ્યક્ત કરવામાં આવી હતી.આ મુદ્દો સામે આવ્યા બાદ વિદ્યાર્થીઓ અને વિદ્યાર્થી સંગઠનો દ્વારા વિરોધ કરવામાં આવ્યો હતો. સમગ્ર ઘટનાને લઈને યુનિવર્સિટી તંત્રની પરીક્ષા વ્યવસ્થા સામે પણ સવાલો ઉઠાવવામાં આવ્યા હતા.
યુનિવર્સિટી તંત્ર સામે ઊઠ્યા સવાલો
પેપર લીકના આક્ષેપો બાદ પરીક્ષા પ્રક્રિયાની સુરક્ષા અને ગોપનીયતા અંગે ચર્ચા શરૂ થઈ હતી. પરીક્ષાના પ્રશ્નપત્રની માહિતી પરીક્ષા પહેલાં બહાર કેવી રીતે પહોંચી તે મુદ્દો પણ મહત્વનો બન્યો હતો. વિવાદ વધતા યુનિવર્સિટી તંત્ર પર દબાણ વધ્યું હતું. હવે ઇન્ચાર્જ કુલપતિમાં થયેલા ફેરફાર બાદ સમગ્ર પરીક્ષા વ્યવસ્થાને લઈને આગળ કયા પગલાં લેવામાં આવે છે તેના પર વિદ્યાર્થીઓ અને શૈક્ષણિક વર્તુળોની નજર રહેશે.
નવા કુલપતિ સામે શું રહેશે પડકાર?
ડૉ. માનસી દેશપાંડે સમક્ષ સૌથી મોટો પડકાર યુનિવર્સિટીની વહીવટી અને પરીક્ષા વ્યવસ્થામાં વિશ્વાસ જાળવવાનો રહેશે. ખાસ કરીને પ્રશ્નપત્રની ગોપનીયતા, પરીક્ષા પ્રક્રિયામાં પારદર્શિતા અને વિદ્યાર્થીઓની ફરિયાદોના નિરાકરણ જેવા મુદ્દાઓ પર આગામી સમયમાં કડક વ્યવસ્થાની અપેક્ષા છે. હાલમાં પેપર લીક (Jamnagar BAMS Paper Leak)ના આક્ષેપોને લઈને ચાલી રહેલા સમગ્ર વિવાદ વચ્ચે યુનિવર્સિટીમાં થયેલો આ વહીવટી ફેરફાર આગામી દિવસોમાં શું અસર કરે છે તે જોવું મહત્વપૂર્ણ રહેશે.
આ પણ વાંચો:આયુર્વેદની ફોર્મ્યુલાઓને વૈજ્ઞાનિક અને આધુનિક જમાનાને અનુરૂપ બનાવવી એ જ સૌથી મોટો પડકાર
