Jamnagar News : જામનગર શહેરના હાપા માર્કેટિંગ યાર્ડ વિસ્તારમાં અવરજવર કરતા વાહનચાલકો માટે મહત્વના સમાચાર સામે આવ્યા છે.જામનગર મહાનગરપાલિકા દ્વારા ભૂગર્ભ ગટરની કામગીરીને કારણે Jamnagar Hapa Market Yard Road Closed રાખવાનો નિર્ણય લેવામાં આવ્યો છે. આ રસ્તો આગામી 4 મહિના સુધી વાહનવ્યવહાર માટે બંધ રહેશે, જેના કારણે વાહનચાલકોએ વૈકલ્પિક રૂટનો ઉપયોગ કરવો પડશે. જામનગર મનપા કમિશનર ડી. એન. મોદી દ્વારા આ અંગેનું સત્તાવાર જાહેરનામું પ્રસિદ્ધ કરવામાં આવ્યું છે.
Hapa Market Yard Road ક્યાં સુધી બંધ રહેશે?
જાહેરનામા અનુસાર, હાપા માર્કેટિંગ યાર્ડના મુખ્ય રસ્તા પાસે રેલવે ફાટકથી લઈને રાધિકા સ્કૂલ તરફ જતા 45 મીટર ટી.પી. રોડ સુધીનો માર્ગ બંધ રહેશે. આ કામગીરી 8 જાન્યુઆરીથી શરૂ થઈને 7 મે સુધી એટલે કે કુલ ચાર મહિના સુધી ચાલશે. અકસ્માત નિવારવા અને કામગીરી ઝડપથી પૂર્ણ કરવા માટે આ સમયગાળા દરમિયાન તમામ પ્રકારના વાહનવ્યવહાર પર પ્રતિબંધ લાદવામાં આવ્યો છે.
વાહનચાલકો માટે વૈકલ્પિક વ્યવસ્થા (Route Diversion)
મુખ્ય રસ્તો બંધ હોવાથી જામનગર મહાનગરપાલિકા દ્વારા વૈકલ્પિક રસ્તાની વ્યવસ્થા કરવામાં આવી છે. રેલવે ઓવરબ્રિજની મધ્યરેખાથી ઉત્તર દિશા તરફનો સર્વિસ રોડ વાહનચાલકો માટે ખુલ્લો રહેશે અને મેરિયા કોલોની તરફ જતા રસ્તામાં પશ્ચિમ દિશા તરફનો માર્ગ પરિવહન માટે ઉપયોગમાં લઈ શકાશે.
નિયમોનું ઉલ્લંઘન કરનાર સામે થશે કાર્યવાહી
મ્યુનિસિપલ કમિશનરે સ્પષ્ટ કર્યું છે કે, બીપીએમસી એક્ટની કલમો હેઠળ આ આદેશ આપવામાં આવ્યો છે. જો કોઈ વ્યક્તિ આ જાહેરનામાનો ભંગ કરશે અથવા બંધ રસ્તા પર વાહન ચલાવશે, તો તેમની સામે કાયદેસરની દંડનીય કાર્યવાહી કરવામાં આવશે. હાપા યાર્ડમાં માલસામાન લઈને આવતા ખેડૂતો અને વેપારીઓને વૈકલ્પિક માર્ગનો ઉપયોગ કરવા અપીલ કરવામાં આવી છે.
