Jamnagar News: જામનગર શહેરમાં આવેલા હોલી ડે વોટર પાર્ક (Jamnagar Holiday Water Park)માં એક હૃદયદ્રાવક ઘટના સામે આવી છે. પરિવાર સાથે મોજમસ્તી કરવા આવેલા 7 વર્ષીય બાળકનું પાણીમાં ડૂબી જવાથી મોત થતાં પરિવાર પર દુઃખનો પહાડ તૂટી પડ્યો છે.
Jamnagar Holiday Water Park:7 વર્ષના બાળકનું મોત
પ્રાથમિક માહિતી અનુસાર, બાળક પોતાના પરિવાર સાથે વોટર પાર્ક (Jamnagar Holiday Water Park)માં ન્હાવા માટે આવ્યું હતું. દરમિયાન ન્હાતા ન્હાતા બાળક અજાણતા ઊંડા પાણી તરફ પહોંચી ગયું હતું. પરિવારજનો અને આસપાસના લોકોનું ધ્યાન જાય તે પહેલાં જ બાળક પાણીમાં ડૂબી ગયું હોવાનું જાણવા મળ્યું છે.
ઘટનાની જાણ થતાં જ વોટર પાર્ક (Jamnagar Holiday Water Park)ના સ્ટાફ અને હાજર લોકોએ બાળકને તાત્કાલિક પાણીમાંથી બહાર કાઢ્યું હતું. ત્યારબાદ તેને સારવાર માટે નજીકની હોસ્પિટલમાં ખસેડવામાં આવ્યો હતો. જોકે, ડોક્ટરો દ્વારા તમામ પ્રયાસો છતાં બાળકને બચાવી શકાયું નહોતું અને સારવાર મળે તે પહેલાં જ તેનું મૃત્યુ થયું હોવાનું જણાવાયું છે.
ઘટનાની માહિતી મળતાં પંચકોશી એ ડિવિઝન પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે વોટર પાર્કના મેનેજર સહિતના જવાબદાર લોકોની પૂછપરછ શરૂ કરી છે.
પોલીસ દ્વારા ખાસ કરીને વોટર પાર્કમાં સુરક્ષા વ્યવસ્થા, લાઈફગાર્ડની હાજરી, ચેતવણી બોર્ડ અને બાળકો માટેની સલામતી વ્યવસ્થા અંગે તપાસ કરવામાં આવી રહી છે. ઘટના સમયે તમામ સુરક્ષા નિયમોનું પાલન કરવામાં આવ્યું હતું કે નહીં તે મુદ્દે પણ તપાસ ચાલી રહી છે.
આ દુર્ઘટનાએ વોટર પાર્ક અને જાહેર મનોરંજન સ્થળોએ બાળકોની સુરક્ષા અંગે ગંભીર સવાલો ઉભા કર્યા છે. પોલીસ સમગ્ર ઘટનાની તપાસ કરી રહી છે અને તપાસ પૂર્ણ થયા બાદ આગળની કાર્યવાહી હાથ ધરવામાં આવશે.
આ પણ વાંચો:રાજકોટના પ્રખ્યાત ક્રિષ્ના વોટર પાર્કના માલિક હરિ કણસાગરા વિરુદ્ધ ગંભીર મારપીટની ફરિયાદ નોંધાઈ
આ પણ વાંચો:વોટર પાર્કમાં જતી વખતે આ 5 સાવધાની રાખો, નહીંતર થઈ શકે છે સ્કિન ઈન્ફેક્શન
