Entertainment News :ચાહકો માટે આઘાતજનક સમાચાર ટેલિવિઝન ઈન્ડસ્ટ્રીમાંથી એક ખૂબ જ ચોંકાવનારા અને દુઃખદ સમાચાર સામે આવ્યા છે. ટીવીના ‘પાવર કપલ’ ગણાતા જય ભાનુશાલી અને માહી વિજે સત્તાવાર રીતે તેમના છૂટાછેડા (Divorce) ની જાહેરાત કરી દીધી છે. છેલ્લા ઘણા સમયથી અટકળો ચાલી રહી હતી કે તેમના સંબંધોમાં તિરાડ પડી છે, પરંતુ હવે આ જોડીએ મૌન તોડતા પુષ્ટિ કરી છે કે તેઓ કાયમ માટે અલગ થઈ રહ્યા છે. 14 વર્ષના લાંબા અને પ્રેમભર્યા લગ્નજીવનનો આ રીતે અંત આવતા તેમના લાખો ચાહકો નિરાશ થયા છે.
Divorce બાદ ઈન્સ્ટાગ્રામ પર જાહેર કર્યું જોઈન્ટસ્ટેટમેન્ટ
જય અને માહીએ સોશિયલ મીડિયા પર એક સંયુક્ત નિવેદન (Joint Statement) જારી કરીને આ સમાચાર આપ્યા છે. તેમણે ખૂબ જ ગરિમાપૂર્ણ અને પરિપક્વ રીતે પોતાની વાત રજૂ કરી છે. તેમણે લખ્યું છે કે, “આજે અમે જિંદગીના એક એવા વળાંક પર ઉભા છીએ, જે જીવનએ અમારા માટે પસંદ કર્યો છે. અમે હંમેશા પ્રેમ, પ્રગતિ અને એકબીજાના સન્માનના મૂલ્યો સાથે જીવ્યા છીએ. પરંતુ હવે અમારી શાંતિ, અમારા બાળકો અને અમારા વ્યક્તિગત વિકાસ માટે અમે અલગ થવાનો નિર્ણય લીધો છે.”
“અમારી કહાનીમાં કોઈ વિલન નથી”
સામાન્ય રીતે સેલિબ્રિટીઝના છૂટાછેડા (Divorce) માં કોઈ ત્રીજી વ્યક્તિ કે અફેરની ચર્ચાઓ થતી હોય છે. પરંતુ જય અને માહીએ સ્પષ્ટતા કરી છે કે તેમના અલગ થવા પાછળ કોઈ નકારાત્મક કારણ નથી. પોસ્ટમાં તેમણે લખ્યું છે કે, “અમારા રસ્તા ભલે અલગ થઈ રહ્યા હોય, પણ આ નિર્ણયમાં કોઈ ‘વિલન’ (ખલનાયક) નથી. આ નિર્ણય કોઈ ખોટા કામ કે નકારાત્મકતાને કારણે નથી લેવાયો. અમે માત્ર અમારી માનસિક શાંતિ (Mental Peace) અને સારા ભવિષ્ય માટે આ પગલું ભરી રહ્યા છીએ. અમે પહેલા પણ બેસ્ટ ફ્રેન્ડ હતા અને આગળ પણ રહીશું.”
દીકરી તારા અને બાળકોની જવાબદારી કોણ સંભાળશે?
આ દંપતીને એક 6 વર્ષની દીકરી છે – તારા. આ ઉપરાંત તેઓ પોતાના કેરટેકરના બે બાળકો (ખુશી અને રાજવીર) ને પણ પોતાના બાળકની જેમ જ સાચવે છે. છૂટાછેડા (Divorce) પછી પણ માતા-પિતા તરીકેની જવાબદારી તેઓ સાથે મળીને નિભાવશે. તેમણે સ્પષ્ટ કર્યું છે કે બાળકોના ઉછેરમાં કોઈ કમી આવવા દેશે નહીં. તેઓ એકબીજાને સપોર્ટ કરતા રહેશે અને એક પરિવાર તરીકે બાળકો માટે હંમેશા હાજર રહેશે.
2011 માં થયા હતા લગ્ન
માહી વિજ અને જય ભાનુશાલીની લવ સ્ટોરી કોઈ ફિલ્મી વાર્તાથી ઓછી ન હતી. લાંબા સમય સુધી ડેટિંગ કર્યા પછી, આ બંને સ્ટાર્સે વર્ષ 2011 માં લગ્ન કર્યા હતા. ટીવીના રિયાલિટી શો ‘નચ બલિયે’ માં પણ તેમની જોડી ખૂબ વખણાઈ હતી. તેઓ હંમેશા એક ‘હેપ્પી કપલ’ તરીકે જોવા મળતા હતા, તેથી તેમના અલગ થવાના સમાચાર ચાહકો પચાવી શકતા નથી.
Divorce બાદ વર્કફ્રન્ટ પર શું ચાલી રહ્યું છે?
અંગત જીવનમાં ઉથલપાથલ હોવા છતાં, બંને સ્ટાર્સ પોતાના કામ પર ફોકસ કરી રહ્યા છે.
માહી વિજ: માહીએ લગભગ 9 વર્ષના લાંબા બ્રેક પછી ટીવી પર વાપસી કરી છે. તે હાલમાં “સહર હોને કો હૈ” (Sahar Hone Ko Hai) શોમાં જોવા મળી રહી છે.
જય ભાનુશાલી: જય એક સફળ હોસ્ટ છે અને હાલમાં તે વિદેશ પ્રવાસ કરી રહ્યો છે.
જય અને માહીનો આ નિર્ણય સાબિત કરે છે કે સંબંધોમાં જ્યારે શાંતિ ન રહે ત્યારે સમજદારીપૂર્વક અલગ થવું (Divorce) જ બહેતર છે. અમે તેમના અને તેમના બાળકોના સારા ભવિષ્ય માટે શુભેચ્છા પાઠવીએ છીએ.
આ પણ વાંચો: બિગ બોસ’માં અભિનેત્રીનું દર્દ છલકાયું સર્જરી પછી ‘શરીરથી શરમાઈ ગઈ’, કહ્યું – કોઈના દેખાવ…
આ પણ વાંચો: વિજય દેવરકોંડા અને રશ્મિકા મંદાનાના લગ્નની તારીખ જાહેર? જાણો ક્યારે અને ક્યાં સાત ફેરા ફરશે આ સુપરસ્ટાર જોડી
