Morbi News: મોરબી જિલ્લાના જેતપર ગામમાં હાઈ ટેન્શન વીજલાઈન માટે યોગ્ય વળતરની માંગ સાથે ચાલી રહેલા ખેડૂત આંદોલન (Jetpar Farmers Protest)ને હવે રાજકીય સમર્થન મળ્યું છે. ટંકારાના ધારાસભ્ય દુર્લભજી દેથરિયાએ મુખ્યમંત્રી, નાયબ મુખ્યમંત્રી, ઊર્જા મંત્રી અને કૃષિ મંત્રીને પત્ર લખીને ખેડૂતોની માંગણીઓ પર હકારાત્મક નિર્ણય લેવા અપીલ કરી છે.
Jetpar Farmers Protest: 15 દિવસથી ખેડૂતોનું આંદોલન
જેતપર ગામના ખેડૂતો છેલ્લા 15 દિવસથી હાઈ ટેન્શન વીજલાઈનના કામ બદલ યોગ્ય વળતર અને સ્પષ્ટ નીતિની માંગ સાથે આંદોલન (Jetpar Farmers Protest) કરી રહ્યા છે. ખેડૂતોનું કહેવું છે કે તેમની જમીન અને પાકને થનારા નુકસાનનું યોગ્ય વળતર મળવું જોઈએ.
ખેડૂતોની મુખ્ય માંગણીઓ શું છે?
ખેડૂતોની રજૂઆત મુજબ, ટેલીગ્રાફ એક્ટ, 1885ની કલમ 10(d) મુજબ વીજલાઈનના કામ દરમિયાન ખેડૂતોને થતું નુકસાન ઓછામાં ઓછું રાખવું જોઈએ અને થાંભલા તથા વીજલાઈનના કારણે થતા તમામ નુકસાનનું યોગ્ય વળતર ચૂકવવું જોઈએ.ખેડૂતોની માંગ છે કે રાજ્ય સરકાર ખેડૂત હિતમાં નવો પરિપત્ર જાહેર કરે અથવા કેન્દ્ર સરકારની 14 જૂન, 2024 અને 21 માર્ચ, 2025ની માર્ગદર્શિકાને આધારે સુધારેલી વળતર નીતિ અમલમાં મૂકે.
“મોરબીમાં જમીનની કિંમત વધારે”
ધારાસભ્ય દુર્લભજી દેથરિયાએ જણાવ્યું કે મોરબી જિલ્લામાં ખેતીની જમીનની બજાર કિંમત અન્ય વિસ્તારોની સરખામણીએ વધુ છે. હાલ જે વળતર આપવામાં આવે છે તે જમીનની વાસ્તવિક કિંમતની સરખામણીએ પૂરતું નથી.તેમણે જણાવ્યું કે જો કેન્દ્ર સરકારની નવી માર્ગદર્શિકા મુજબ વળતર ચૂકવવામાં આવશે તો ખેડૂતોને વધુ ન્યાય મળી શકશે.
સરકાર સુધી પહોંચાડી ખેડૂતોની માંગ
ધારાસભ્યના જણાવ્યા મુજબ, આંદોલનકારી ખેડૂતોની તમામ છ મુખ્ય માંગણીઓ સરકાર સમક્ષ રજૂ કરવામાં આવી છે. તેમણે જણાવ્યું કે મુખ્યમંત્રીની અધ્યક્ષતામાં યોજાયેલી કેબિનેટ બેઠકમાં પણ વીજલાઈન વળતર અને ખેડૂત આંદોલન (Jetpar Farmers Protest) અંગે ચર્ચા થઈ હતી.
“નવી પોલિસી ટૂંક સમયમાં આવશે”
દુર્લભજી દેથરિયાએ આશા વ્યક્ત કરી કે સરકાર ટૂંક સમયમાં વીજલાઈન વળતર અંગે નવી નીતિ અથવા પરિપત્ર જાહેર કરશે. તેમના મતે નવી નીતિ જાહેર થયા બાદ ખેડૂતોને વધુ લાભ મળશે અને આંદોલન (Jetpar Farmers Protest)નો પણ શાંતિપૂર્ણ અંત આવી શકે છે.
આ પણ વાંચો:જેતપર ખેડૂત આંદોલનનો 8મો દિવસ: 5,551 ખેડૂતોનું એક જ દિવસમાં રક્તદાન, ગુજરાતનો નવો રેકોર્ડ
આ પણ વાંચો:100 ટ્રેક્ટર સાથે ખેડૂતો જેતપર પહોંચ્યા, ખેડૂત આંદોલનને રાજ્યમંત્રી કાંતિ અમૃતિયાના ભાઈઓનું સમર્થન
