ઝારખંડમાં રાજકીય ઉથલપાથલનો હવે અંત આવી રહ્યો હોય તેવું લાગી રહ્યું છે. ચંપાઈ સોરેન આજે નવા મુખ્યમંત્રી તરીકે શપથ લેશે. જો કે તેનો સમય હજુ નક્કી થયો નથી. આ સાથે પૂર્વ મુખ્યમંત્રી હેમંત સોરેનને ED રિમાન્ડ પર મોકલવા પર પણ આજે સુનાવણી હાથ ધરવામાં આવશે. ગુરુવારે સોરેનને પ્રિવેન્શન ઓફ મની લોન્ડરિંગ એક્ટ (PMLA) કોર્ટમાં રજૂ કરવામાં આવ્યો હતો. જ્યાં કોર્ટે હેમંત સોરેનને એક દિવસની જ્યુડિશિયલ કસ્ટડીમાં મોકલી આપ્યો હતો. જે બાદ તેને રાંચીની બિરસા મુંડા જેલમાં મોકલી દેવામાં આવ્યો હતો.
EDએ કોર્ટમાંથી હેમંત સોરેનના 10 દિવસના રિમાન્ડની માંગણી કરી હતી
તમને જણાવી દઈએ કે EDએ કોર્ટ પાસેથી હેમંત સોરેનના 10 દિવસના રિમાન્ડની માંગણી કરી હતી, જેના પર આજે ચર્ચા થશે અને કોર્ટ પોતાનો નિર્ણય આપશે. ગુરુવારે જ રાજ્યપાલ સીપી રાધાકૃષ્ણને ચંપાઈ સોરેનને શપથ લેવા આમંત્રણ આપ્યું હતું. ચંપાઈ સોરેન આજે ઝારખંડના સીએમ તરીકે શપથ લેશે. તેઓએ 10 દિવસમાં બહુમતી સાબિત કરવી પડશે. રાજ્યપાલે ઝારખંડ મુક્તિ મોરચા વિધાનસભા પક્ષના નેતા ચંપાઈ સોરેન અને કોંગ્રેસના નેતા આલમગીર આલમને મોડી રાત્રે રાજભવન બોલાવ્યા અને ચંપાઈ સોરેનને સરકાર રચવા આમંત્રણ આપ્યું.
બુધવારે રાત્રે હેમંતની ધરપકડ કરવામાં આવી હતી
તમને જણાવી દઈએ કે મની લોન્ડરિંગ કેસમાં સાત કલાકની પૂછપરછ બાદ બુધવારે રાત્રે ED દ્વારા હેમંત સોરેનની ધરપકડ કરવામાં આવી હતી. ધરપકડ પહેલા તેમણે મુખ્યમંત્રી પદ પરથી રાજીનામું આપી દીધું હતું. આ પછી ચંપાઈ સોરેન જેએમએમ ધારાસભ્ય પક્ષના નેતા તરીકે ચૂંટાયા. ચંપાઈ સોરેને કહ્યું હતું કે અમે એક છીએ. અમારું જોડાણ ખૂબ જ મજબૂત છે; તેને કોઈ તોડી શકતું નથી. ઝારખંડ મુક્તિ મોરચાની આગેવાની હેઠળના ગઠબંધન દ્વારા બહાર પાડવામાં આવેલ એક વીડિયોમાં 81 સભ્યોની ઝારખંડ વિધાનસભામાં 43 ધારાસભ્યોનું સમર્થન પણ દર્શાવવામાં આવ્યું છે. રાજ્યપાલે શપથ લેવડાવ્યા ન હોવાથી ગઠબંધનના ધારાસભ્યોએ રાજભવનમાં હોબાળો મચાવ્યો હતો.
આ પણ વાંચો :ઝારખંડ/રાજ્યપાલે ચંપઇ સોરેનને સરકાર બનાવવા માટે આપ્યું આમંત્રણ,આજે લેશે શપથ
આ પણ વાંચો :ડીલ/અમેરિકા ભારતને આપશે MQ-9B પ્રિડેટર ડ્રોન,જાણો તેની ખાસિયતો
આ પણ વાંચો :ઝારખંડ/ઝારખંડમાં હોર્સ ટ્રેડિંગનો ભય,ધારાસભ્યોને લઇને જતી ફલાઇટ થઇ રદ,હવે MLAને અહી લઇ જવાયા