Jio 209 Plan Discontinued 2026: રિલાયન્સ જિયોએ તેના પોર્ટફોલિયોમાંથી 209 રૂપિયાનો લોકપ્રિય પ્રીપેડ પ્લાન હટાવી દીધો છે. MyJio એપ પરથી આ પ્લાન ગાયબ થતા લાખો યુઝર્સમાં ચર્ચા શરૂ થઈ છે. માનવામાં આવે છે કે TRAI ના નવા નિયમો અને પારદર્શિતાના નિર્દેશો બાદ કંપનીએ આ પગલું ભર્યું હોઈ શકે છે.
શું હતો 209 રૂપિયાનો આ પ્લાન?
આ પ્લાન એવા યુઝર્સ માટે બેસ્ટ હતો જેમને ઓછા ખર્ચે દરરોજ ડેટા જોઈતો હતો:
ડેટા: દરરોજ 1GB હાઈ-સ્પીડ ડેટા (કુલ 22GB ડેટા).
વેલિડિટી: 22 દિવસની વેલિડિટી મળતી હતી.
કોલિંગ અને SMS: અનલિમિટેડ વોઈસ કોલિંગ અને દરરોજ 100 SMS ની સુવિધા.
અન્ય બેનિફિટ્સ: JioTV અને JioAI Cloud જેવા એડિશનલ ફાયદા પણ મળતા હતા.
કિંમત: આ પ્લાનનો દૈનિક ખર્ચ આશરે 9.5 રૂપિયા પડતો હતો, જે તેને અત્યંત કિફાયતી બનાવતો હતો.
Jio યુઝર્સ પર શું થશે અસર?
જિયોના આ નિર્ણયથી ખાસ કરીને બજેટ યુઝર્સને મોટું નુકસાન થશે, કારણ કે આ એકમાત્ર એવો પ્લાન હતો જેમાં દરરોજ 1GB ડેટા મળતો હતો. અત્યારે MyJio એપ પર ‘Affordable Packs’ સેક્શનમાં આ પ્લાન જોવા મળી રહ્યો નથી. કંપની આ પ્લાન ફરી લાવશે કે તેની જગ્યાએ કોઈ નવો ઓપ્શન આપશે તે અંગે હજુ સુધી કોઈ સત્તાવાર જાહેરાત કરવામાં આવી નથી.
આ પણ વાંચો: જો 90 દિવસ સુધી રિચાર્જ નહીં કરો તો મોબાઈલ નંબર થઈ જશે બંધ, જાણો તમારું સિમ કાર્ડ બચાવવાની રીત
આ પણ વાંચો: મોબાઈલ પર અચાનક કેમ વાગ્યું સાયરન? ગભરાશો નહીં, સરકાર કરી રહી છે ઈમરજન્સી એલર્ટનું ટેસ્ટિંગ
