જૂનાગઢ જિલ્લાના માળીયા હાટીનાં ભંડુરી ગામે રહેતી યુવતી પ્રીતિ હરસુખ ભાઈ ચાવડાએ પિતાની પ્રથમ વાર્ષિક પુણ્યતિથિ નિમિતે પોતાના વાળ કેન્સરગ્રસ્ત મહિલાઓને દોનેટ કરવા માટે મૂંડન કરાવ્યું છે.
ભંડુરી ગામે રહેતી યુવતી પ્રીતિ હરસુખ ભાઈ ચાવડાએ જણાવ્યું હતું કે, પિતાની પાછળ પુત્ર મુંડન કરાવી શકે તો પુત્રી કેમ નહીં? ત્યારે કોઈ પણ સ્ત્રી માટે તેનું ઘરેણું લાંબા વાળ હોય છે. વાળને કારણે જ કોઈ પણ સ્ત્રીની સુંદરતા વધારે નિખરે છે. પણ એ જ સુંદર વાળનું કોઈ દાન કરે ખરું? આ પ્રશ્નનો જવાબ સ્વાભાવિક રીતે ના જ આવે. પણ માળીયા હાટીના ભંડુરી ગામે રહેતી પ્રીતિ ચાવડાએ પોતાના જ પિતાની પ્રથમ વાર્ષિક પુણ્યતિથિ નિમિત્તે પોતાના વાળ કેન્સર ગ્રસ્ત મહિલાઓ માટે દાન કર્યા છે. પ્રીતિ ચાવડાએ પોતે મૂંડન કરાવી પોતાના વાળ ડોનેટ કરી પોતાએ વ્યક્ત કરેલી ઈચ્છા તેમણે પૂર્ણ કરી છે.
પ્રીતિ ચાવડાએ વધુ વાત કરતાં કહ્યું હતું કે, મારા પિતાની પ્રથમ પુણ્યતિથિ નિમિત્તે મારે પપ્પાની યાદ માટે કેન્સરગ્રસ્ત મહિલાઓને વાળ ડોનેટ કરવા છે તેવો વિચાર આવ્યો હતો. જેમાં સોશિયલ મીડિયા બાલ બ્યુટી વર્લ્ડ મારફતે મદદ ચેરીટેબલ ટ્રસ્ટ મુંબઈ ખાતે વાળ ડોનેટ કર્યા છે. કેન્સરની સારવારમાં કિમોથેરાપીમાં હેવી દવાઓના ડોઝના કારણે દર્દીના વાળ ખરી જાય છે જેને વાળ મળી રહે તેથી હું ઇન્સપાયર થઈ અને મેં મારા પિતાની પ્રથમ પુણ્યતિથિ નિમિત્તે હેર ડોનેશનનો વિચાર કર્યો હતો.
આ પણ વાંચો : ચીમન પટેલે “પંચવટી કાંડ” કરીને ઘનશ્યામ ઓઝાની સરકાર ઉથલાવી હતી
