બોલિવૂડ એક્ટર કાર્તિક આર્યન આ દિવસોમાં પોતાની સફળતાના સાતમા આસમાને છે. તાજેતરમાં જ રિલીઝ થયેલી તેની ફિલ્મ ભૂલ ભુલૈયા 2 એ બોક્સ ઓફિસ પર શાનદાર કમાણી કરી હતી. આ ફિલ્મે થિયેટરોમાં દર્શકોના દિલ જીતી લીધા. આ જ કારણ છે કે ફિલ્મ ભૂલ ભૂલૈયા 2 અત્યાર સુધીમાં 180 કરોડ રૂપિયાથી વધુની કમાણી કરી ચૂકી છે. બીજી તરફ, ફિલ્મની સફળતા જોઈને, ભૂલ ભૂલૈયા 2 ના નિર્માતા ભૂષણ કુમારે કાર્તિક આર્યનને ખૂબ જ કિંમતી ભેટ આપી છે.
ભૂષણ કુમારે કાર્તિક આર્યનને કરોડો રૂપિયાની કાર ગિફ્ટ કરી છે. તેણે પોતાના ઓફિશિયલ ઈન્સ્ટાગ્રામ એકાઉન્ટ પર કાર્તિક આર્યન અને ભૂષણ કુમારની બે તસવીરો શેર કરી છે. આ તસવીરોમાં બંને ઓરેન્જ કલરની મેકલેરેન જીટી કાર સાથે ઉભા જોવા મળે છે. જે જોવામાં ખૂબ જ સુંદર અને કિંમતી છે.
ભૂષણ કુમારે કાર્તિક આર્યનને મેકલેરેન જીટી કાર ગિફ્ટ કરી છે. એક તસવીરમાં એક્ટર કાર સાથે તસવીરો ક્લિક કરતો જોવા મળે છે. ભુષણ કુમારે આ કાર કાર્તિક આર્યનને ફિલ્મ ભૂલ ભુલૈયા 2 સુપરહિટ થવાને કારણે આપી છે. કાર McLaren GT વિશે વાત કરીએ તો, તે એક સ્પોર્ટ્સ કાર છે. જેની કિંમત કરોડોમાં છે.