Jyotiraditya Scindia Desi Nuskha: મધ્યપ્રદેશમાં અત્યારે કાળઝાળ ગરમી પડી રહી છે અને તાપમાન 40 ડિગ્રીને પાર કરી ગયું છે. આ ભીષણ ગરમી વચ્ચે કેન્દ્રીય મંત્રી જ્યોતિરાદિત્ય સિંધિયાનો એક અનોખો અંદાજ જોવા મળ્યો છે. રવિવારે શિવપુરીમાં એક જનસભાને સંબોધિત કરતી વખતે સિંધિયાએ ગરમીથી બચવા માટે પોતાનો ખાસ ‘દેશી નુસખો’ જનતા સામે જાહેર કર્યો હતો.
ખિસ્સામાંથી ડુંગળી કાઢીને સૌને ચોંકાવ્યા
સભામાં જ્યારે સિંધિયા વિકાસ કાર્યોની વાત કરી રહ્યા હતા, ત્યારે અચાનક તેમણે પોતાના ખિસ્સામાં હાથ નાખ્યો અને એક ડુંગળી (Onion) કાઢીને લોકોને બતાવી. તેમણે કહ્યું કે:
દેશી ઇલાજ: “ખિસ્સામાં ડુંગળી રાખો, તમને કંઈ જ નહીં થાય. આ આયુર્વેદ છે અને આપણે આપણી પરંપરાઓને ભૂલવી જોઈએ નહીં.”
નો AC પોલિસી: સિંધિયાએ વધુમાં ઉમેર્યું કે તેઓ ક્યારેય એસી (AC) માં બેસતા નથી અને તેમની ગાડીમાં પણ એસી ચાલતું નથી. તેમને પરસેવામાં કામ કરવામાં વધુ મજા આવે છે.
#WATCH | Shivpuri, Madhya Pradesh: Union Minister Jyotiraditya Scindia says, “I don’t use air conditioning in my car, nor do I sit in an air-conditioned environment. And when people ask me, even in the 51-degree heat of May and June, I say, ‘This is Chambal skin.’ And let me tell… pic.twitter.com/7sADRwxUef
— ANI (@ANI) April 27, 2026
“આ ચંબલની ચામડી છે” :Jyotiraditya Scindia
જ્યારે લોકોએ તેમને પૂછ્યું કે 51 ડિગ્રીની ગરમીમાં તેઓ કેવી રીતે કામ કરી શકે છે, ત્યારે તેમણે હસીને જવાબ આપ્યો કે, “આ ચંબલની ચામડી છે.” સિંધિયાએ મજાકમાં એમ પણ કહ્યું કે, આધુનિક યુગમાં ભલે લોકો ડિજિટલ ગેજેટ્સ (Jyotiraditya Scindia) લઈને ફરતા હોય, પણ દેશના સંચાર મંત્રી પોતે ગજવામાં ડુંગળી લઈને ફરે છે!
બુઝુર્ગે પણ સાથ આપ્યો
સિંધિયાની (Jyotiraditya Scindia) આ વાત સાંભળીને સભામાં બેઠેલા એક વડીલે પણ પોતાના ખિસ્સામાંથી ડુંગળી કાઢીને હવામાં લહેરાવી હતી. આ દ્રશ્ય જોઈને આખી સભામાં હાસ્યનું મોજું ફરી વળ્યું હતું અને લોકોએ જોરદાર તાળીઓ પાડી હતી.
શિવપુરીને મળી કરોડોની ભેટ
આ કાર્યક્રમ દરમિયાન સિંધિયાએ (Jyotiraditya Scindia) શિવપુરીમાં અદાણી ફાઉન્ડેશનની જેકેટ ફેક્ટરીનું ઉદ્ઘાટન કર્યું અને આ વિસ્તારમાં 2500 કરોડના ડિફેન્સ પ્રોજેક્ટની પણ જાહેરાત કરી હતી.
આ પણ વાંચો : 50 વર્ષ સુધી ભાજપ જ રહેશે”, TMC સાંસદ યુસુફ પઠાણના નિવેદનથી બંગાળ ચૂંટણીમાં મચ્યો હોબાળો
આ પણ વાંચો :“ખોટી પાર્ટીમાં સાચો માણસ હતો”, ભાજપમાં જોડાયા બાદ રાઘવ ચઢ્ઢાનો કેજરીવાલ પર મોટો હુમલો
