રેસલિંગ ફેડરેશન ઓફ ઈન્ડિયા (WFI)ના વડા બ્રિજભૂષણ શરણ સિંહ સામે મોરચો ખોલનારા કુસ્તીબાજોને ઘણા મોટા ભૂતપૂર્વ ક્રિકેટરોનું સમર્થન પણ મળ્યું છે. 1983 વર્લ્ડ કપ વિજેતા ટીમના ખેલાડીઓ સુનીલ ગાવસ્કર, કપિલ દેવ, દિલીવ વેંગસરકર, મદનલાલ વગેરેએ કુસ્તીબાજો સાથેની ઘટનાને દુ:ખદ ગણાવી છે. તેમણે કહ્યું કે આશા છે કે, કુસ્તીબાજોની માંગ સાંભળવામાં આવશે. આ ખેલાડીઓએ કુસ્તીબાજોને ઉતાવળમાં નિર્ણય ન લેવાની અપીલ કરી છે. આ સાથે તેમણે એમ પણ કહ્યું કે, મહેનતથી મેળવેલા મેડલને ગંગામાં ન ફેંકવા જોઈએ.
1983 ક્રિકેટ વર્લ્ડ કપ વિજેતા ટીમે નિવેદન જારી કર્યું
1983 ક્રિકેટ વર્લ્ડ કપ વિજેતા ટીમે કુસ્તીબાજોના વિરોધ પર એક નિવેદન બહાર પાડ્યું – “અમે અમારા ચેમ્પિયન કુસ્તીબાજો સાથે મારપીટના અભદ્ર દ્રશ્યોથી વ્યથિત અને પરેશાન છીએ. અમે એ હકીકતથી પણ સૌથી વધુ ચિંતિત છીએ કે તેઓ તેમની મહેનતની કમાણીને ગંગા નદીમાં વહાવવાનું વિચારી રહ્યા છે. તે ચંદ્રકોમાં વર્ષોના પ્રયત્નો, બલિદાન, નિશ્ચય અને સંયમનો સમાવેશ થાય છે અને તે ફક્ત તેમનું જ નહીં પરંતુ દેશનું ગૌરવ અને આનંદ છે. અમે તેમને આ બાબતે કોઈ ઉતાવળિયો નિર્ણય ન લેવા વિનંતી કરીએ છીએ અને તે પણ આશા છે કે તેમની ફરિયાદો સાંભળવામાં આવશે અને ઝડપથી તેનું નિરાકરણ કરવામાં આવશે. જમીનનો કાયદો ચાલવા દો.”
વિનેશ ફોગાટ, સાક્ષી મલિક અને બજરંગ પુનિયા 30 મેના રોજ હરિદ્વાર ગયા હતા અને રેસલિંગ ફેડરેશન ઑફ ઈન્ડિયાના વર્તમાન પ્રમુખ બ્રિજભૂષણ શરણ સિંહની કથિત જાતીય સતામણીના આરોપમાં ધરપકડ કરવાની માગણી કરી હતી, પરંતુ મેડલને ગંગામાં ડૂબાડ્યા ન હતા.28 મેના રોજ, દિલ્હી પોલીસે વિરોધ કરી રહેલા કુસ્તીબાજોને કાયદો અને વ્યવસ્થામાં ખલેલ પહોંચાડવાના આરોપમાં અટકાયત કરી હતી જ્યારે તેઓ પરવાનગી વિના નવી સંસદ તરફ કૂચ કરી રહ્યા હતા.
આપને જણાવી દઈએ કે સુનીલ ગાવસ્કર, મોહિન્દર અમરનાથ, કે શ્રીકાંત, સૈયદ કિરમાણી, યશપાલ શર્મા, મદન લાલ, બલવિંદર સિંહ સંધુ, સંદીપ પાટિલ, કીર્તિ આઝાદ, રોજર બિન્ની અને રવિ શાસ્ત્રી પણ કપિલ દેવની કપ્તાની 1983માં વર્લ્ડ કપ જીતનાર ટીમમાં હતા.
આ પણ વાંચો:સુરતમાં સોશિયલ મીડિયામાં વિડીયો બનાવવાના ચક્કરમાં પાંચ યુવાનો ગયા જેલમાં
આ પણ વાંચો:અકસ્માતમાં પુત્રને ખોપડી નીકળી ગઈ, માતા ખોળામાં લઇ બેસી રહી…
આ પણ વાંચો:ગુજરાતની ગ્રાન્ટેડ પ્રાથમિક સ્કૂલોના શિક્ષકો આનંદોઃ ઉચ્ચતર પગાર ધોરણનો લાભ આજથી અમલી
