પાકિસ્તાનમાં રવિવારે એક દર્દનાક ટ્રેન અકસ્માત થયો. રાવલપિંડી જતી હજારા એક્સપ્રેસના 10 ડબ્બા પાટા પરથી ઉતરી ગયા હતા અને પલટી ગયા હતા, જેમાં ઓછામાં ઓછા 22 લોકો માર્યા ગયા હતા અને 80 ઘાયલ થયા હતા. એક અહેવાલ મુજબ, અકસ્માત શહજાદપુર અને નવાબશાહ વચ્ચે સ્થિત સહારા રેલ્વે સ્ટેશન પાસે રવિવારે થયો હતો.
જે સમયે આ અકસ્માત થયો તે સમયે ટ્રેન કરાચીથી પાકિસ્તાનના પંજાબ જઈ રહી હતી. અહેવાલો અનુસાર ઘાયલોને નવાબશાહની પીપલ્સ મેડિકલ હોસ્પિટલમાં દાખલ કરવામાં આવ્યા છે. ટ્રેન પાટા પરથી ઉતરી જવા પાછળનું ચોક્કસ કારણ હજુ સુધી જાણી શકાયું નથી. અકસ્માત બાદ નજીકની હોસ્પિટલોમાં ઈમરજન્સી પ્રોટોકોલ લાગુ કરવામાં આવ્યો છે.
ન્યૂઝ એજન્સી અનુસાર, પાકિસ્તાન રેલ્વેના ડેપ્યુટી સુપરિન્ટેન્ડેન્ટ મહમૂદ રહેમાને પુષ્ટિ કરી કે ક્ષતિગ્રસ્ત બોગીઓમાંથી ઓછામાં ઓછા 22 મૃતદેહો બહાર કાઢવામાં આવ્યા છે, જ્યારે લગભગ 80 ઘાયલ લોકોને હોસ્પિટલમાં લઈ જવામાં આવી રહ્યા છે. હાલમાં, બચાવ કામગીરી અને પાટા પરથી ઉતરેલા કોચમાંથી લોકોને બહાર કાઢવા પર ધ્યાન કેન્દ્રિત કરવામાં આવ્યું છે. અકસ્માતના કારણની તપાસ કરવામાં આવી રહી છે.
આ પણ વાંચો:China Flood/ચીનમાં પૂરને કારણે આક્રોશ, લાખો લોકો બેઘર; મદદના નામે થઈ રહ્યું છે આ કામ
આ પણ વાંચો:China Earthquake/ચીનના શાનડોંગ પ્રાંતમાં ભૂકંપ, ઘણી ઇમારતો ધરાશાયી, 21 લોકો ઘાયલ
