વડાપ્રધાન નરેન્દ્ર મોદીએ રવિવારે દેશભરના 508 રેલવે સ્ટેશનના પુનર્વિકાસ કાર્ય માટે શિલાન્યાસ કર્યો, જેમાંથી 960 કરોડ રૂપિયા પ્રયાગરાજ સ્ટેશનના પુનર્વિકાસ પર ખર્ચવામાં આવશે. ‘અમૃત ભારત સ્ટેશન યોજના’ હેઠળ પુનઃવિકાસ કરવામાં આવતા 508 રેલવે સ્ટેશનોમાંથી 55 સ્ટેશન ઉત્તર પ્રદેશના છે. વર્ષ 2025 ના મહાકુંભને ધ્યાનમાં રાખીને, પ્રયાગરાજ સ્ટેશનનો કાયાકલ્પ કરવામાં આવી રહ્યો છે, જે અંતર્ગત આ રેલવે સ્ટેશનની બંને બાજુ આઠ માળની સ્ટેશન બિલ્ડીંગ બનાવવામાં આવશે.
પ્રયાગરાજ જંકશન પરિસરમાં આયોજિત કાર્યક્રમ દરમિયાન ઉત્તર-મધ્ય રેલવેના મુખ્ય જનસંપર્ક અધિકારી (PRO) હિમાંશુ શેખર ઉપાધ્યાયે જણાવ્યું હતું કે પ્રયાગરાજ સ્ટેશનના પુનઃવિકાસ પર દેશમાં સૌથી વધુ રૂ. 960 કરોડનું રોકાણ કરવામાં આવશે. ઉપાધ્યાયના જણાવ્યા મુજબ, “પ્રયાગરાજ સ્ટેશનનું પુનઃવિકાસ કાર્ય વિશાળ હોવાથી તે બે તબક્કામાં પૂર્ણ થશે. પ્રથમ તબક્કામાં કુંભ મેળા પહેલા સિવિલ લાઈન્સ વિસ્તારના વિકાસ માટે લક્ષ્ય નક્કી કરવામાં આવ્યું છે.
બીજીબાજુ બાકીનું કામ કુંભમેળો પૂર્ણ થયા બાદ પૂર્ણ કરવામાં આવશે. તેમણે કહ્યું કે પ્રયાગરાજ સ્ટેશનની બંને બાજુએ આઠ માળનું સ્ટેશન બિલ્ડીંગ બનાવવામાં આવશે, જેમાં પહેલા ત્રણ માળે રેલવે ઓફિસ અને મુસાફરોની સુવિધાઓ માટે જોગવાઈ કરવામાં આવશે, જ્યારે કોમર્શિયલ ડેવલપમેન્ટ ઉપરના માળે થશે. ઉપાધ્યાયના જણાવ્યા અનુસાર, પ્રયાગરાજ રેલવે સ્ટેશન પર 72 મીટર પહોળા બે ‘કોન્સર્સ’ પણ બનાવવામાં આવશે, જેમાં 9,000 મુસાફરો માટે બેઠક, ફૂડ સ્ટોલ અને બાળકો માટે મનોરંજન હશે.
તેમણે માહિતી આપી હતી કે ઉત્તર-મધ્ય રેલવેના પ્રયાગરાજ ડિવિઝન હેઠળના 15 સ્ટેશનોનો પુનઃવિકાસ થવાનો છે, જેમાં વિંધ્યાચલ, ફતેહપુર, પંકી ધામ, મિર્ઝાપુર, ગોવિંદપુરી, માણિકપુર, ટુંડલા, ઈટાવા, અનવરગંજ, ફિરોઝાબાદ, ચુનાર, ખુર્જા, શિકોહાબાદ અને સૈનપુર સ્ટેશનનો સમાવેશ થાય છે. કાર્યક્રમમાં ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્ય, જલશક્તિ મંત્રી સ્વતંત્ર દેવ સિંહ, પરિવહન મંત્રી દયાશંકર સિંહ, કૌશામ્બીના સાંસદ વિનોદ સોનકર, ફુલપુરના સાંસદ કેશરી દેવી પટેલ, ઉત્તર મધ્ય રેલવેના જનરલ મેનેજર સતીશ કુમાર અને અન્ય વરિષ્ઠ રેલવે અધિકારીઓ આ કાર્યક્રમમાં હાજર રહ્યા હતા.
આ પણ વાંચો:Railwaystation redevelopment/ગુજરાતના 21 સહિત કુલ 508 રેલ્વે સ્ટેશનોનો શિલાન્યાસ કરનારા પીએમ મોદી
આ પણ વાંચો:Rain Alert/આગામી પાંચ દિવસ યુપી સહિત આ રાજ્યોમાં ભારે વરસાદ, બિહાર અને દિલ્હી માટે પણ એલર્ટ
આ પણ વાંચો:Sirsa/ગેંગસ્ટરો ગોલ્ડી બરાડ અને લોરેન્સ બિશ્નોઈના છ સાગરિકોને 5-5 વર્ષની કેદ, 50 લાખની ખંડણીની કરી હતી માંગણી
