સ્ટેચ્યુ બનવાની હોડ ચાલી રહી છે અને આ હોડમાં કર્ણાટક પણ શામેલ થવા જઈ રહ્યું છે. કર્ણાટક સરકાર 125 ફૂટનું માતા કાવેરીનું સ્ટેચ્યુ બનાવવા જઈ રહી છે. આ સ્ટેચ્યુ કૃષ્ણા રાજા સાગર બંધ પાસે બનશે. માંડ્યા જીલ્લામાં માતા કાવેરી નદીનું સ્ટેચ્યુ બનાવામાં આવશે.
આ ઉપરાંત એવી પણ માહિતી મળી રહી છે કે સરકાર મ્યુઝીયમ કોમ્પ્લેક્ષ, 360 ફીટના બે ગ્લાસ ટાવર જ્યાંથી કૃષ્ણા રાજા સાગર બંધનું વિહંગાવલોક્ન થઇ શકે.બસસ્ટેન્ડ, ઇન્ડોર સ્ટેડીયમ પણ હશે. ટુરીઝમ વધારવા માટે ઐતિહાસિક સ્મારકો પણ બનાવામાં આવશે. આ પ્રોજેક્ટ માટે 400 એકર જગ્યા જોશે.
આ પ્રોજેક્ટનો અંદાજીત ખર્ચ 1200 કરોડ ગણવામાં આવી રહ્યો છે. જેનાં માટે સરકાર પ્રાઇવેટ રોકાણકારોની મદદ લઇ રહી છે. આ પહેલાં ગુજરાતમાં દુનિયાની સૌથી ઉચી મૂર્તિ બનાવામાં આવી છે. જે સ્ટેચ્યુ ઓફ યુનિટીનાં નામે ઓળખાય છે.
