ગળપણ ખટાશથી ભરપૂર ટેસ્ટમાં એકદમ બેસ્ટ અને સાજા અને તબિયતથી નાજુક એવા દરેક લોકોને ફાવતી અને ભાવતી વાનગી એટલે કાઠીયાવાડી ઓસામણ..
– આમ તો કાઠિયાવાડની દરેક આઇટમમાં સ્ટ્રોંગ વઘાર અને ગળપણ ખટાશનો ટેસ્ટ હોય છે એટલે આ ઓસામણ કાઠીયાવાડી ટેસ્ટનું છે. આ ઓસામણ સુપ ની જેમ પીવાય છે અને ભાત સાથે પણ ખવાય છે.
કાઠીયાવાડી ઓસામણ
તુવેરની દાલ માંથી બનતું ઓસામણ મગના સુપ ની જેમ બને છે. જે દાળમાંથી બનતો સુપ છે. આ ઓસામણ માં ગળપણ અને ખટાશ સમતલ પ્રમાણમાં હોય છે. આ ઓસામણ કોઈપણ તબિયત થી બીમાર હોય તેને સારી રીતે પચી શકે છે. અને તે પી શકે છે. આ ટેસ્ટી એક ગરમ પીણું છે.
કાઠીયાવાડી ઓસામણ બનાવવા માટેની સામગ્રી:-
*1 કપ તુવેરની દાળ
* 5 ગ્લાસ પાણી
* મરચું, મીઠું ,હળદર, ધાણાજીરૂ, શેકેલું જીરું
* ગોળ અને કોકમ જરૂર મુજબ
* 3 ચમચી ઘી
*રાય, જીરુ, હિંગ ,એક લવિંગ, એક તજનો ટુકડો, 1 લીલુ મરચું ,ચારથી પાંચ કડી પત્તા, તથા કોથમીર, લીંબુ.
* 1 ટામેટું બારીક સમારીને
કાઠીયાવાડી ઓસામણ બનાવવા માટેની રીત:-
* પહેલા તુવેરની દાળને બરાબર ત્રણ વાર ધોઈ લેવી .અને પછી કૂકરમાં બાફવા માટે મૂકવી. 5 સીટી કરી લઈ ગેસ બંધ કરી દેવો. અને કૂકર ઠંડુ થાય એટલે કૂકરને ખોલી આ દાળને ગ્રાઇન્ડ કરી લઈ તેમાં જરૂર મુજબ અથવા 4 ગ્લાસ પાણી ઉમેરવું.
વઘાર માટે: એક પેનમાં ઘી મૂકીને ,તેમાં રાઈ, જીરુ , તજ, લવિંગ ,એક લીલા મરચાની ચીરી, કડી પત્તા, એડ કરીને વઘાર થવા દેવો .વઘાર થાય એટલે તેમાં હિંગ એડ કરવી .
* પછી તરત જ તેમાં બારીક સમારેલું ટમેટું એડ કરવું અને સાંતળવું સાંતળાઈ જાય એટલે તેમાં ગ્રાઈન્ડ કરેલી દાળ પાણી સાથે એડ કરવી.
* પછી તેમાં પ્રમાણસર મીઠું એડ કરીને ગોળ અને કોકમ એડ કરવા. ગળપણ અને ખટાશ પોતાની પસંદગી પ્રમાણે એડ કરવી.
* આ ઓસામણ ને 8 થી 10 મિનિટ ઊકળવા દેવું પછી તેમાં કોથમીર ભભરાવવી. અને પછી ગેસ બંધ કરવો.
* છેલ્લે તેમાં લીંબુનો રસ એડ કરીને સર્વિંગ બાઉલમાં કાઢીને ઉપર કોથમીર અને લીંબુ થી ગાર્નીશ કરી અને સર્વ કરવું.
