Anand News: આણંદ જિલ્લાના ખંભાતમાંથી પરિણીતાને બ્લેકમેલ કરી દુષ્કર્મ આચરવાના ગંભીર (Khambhat Rape Case) આક્ષેપો સામે આવ્યા છે. આ મામલે ભાજપ યુવા મોરચાના કારોબારી (BJP Yuva Morcha Member) સભ્ય વિજય રાવજી ચૌહાણ અને તેના મિત્ર કિરણ જાદવ સામે ખંભાત ગ્રામ્ય પોલીસે ફરિયાદ નોંધી છે. ફરિયાદમાં અશ્લીલ ફોટા-વીડિયો વાયરલ કરવાની અને પતિને જાનથી મારી નાખવાની ધમકી આપીને પરિણીતાને બ્લેકમેલ કરવાનો પણ આક્ષેપ કરવામાં આવ્યો છે.
Khambhat Rape Case: ગેસ્ટહાઉસમાં લઈ જઈ દુષ્કર્મનો આક્ષેપ
ફરિયાદ મુજબ, બંને આરોપીઓ પરિણીતાને (Married Woman Rape) બામણવા સ્થિત એક ગેસ્ટહાઉસમાં લઈ ગયા હતા, જ્યાં તેની મરજી વિરુદ્ધ દુષ્કર્મ આચરવામાં આવ્યું હોવાનો આક્ષેપ છે. ફરિયાદમાં એવો પણ દાવો કરવામાં આવ્યો છે કે આરોપીઓએ પરિણીતાના અશ્લીલ ફોટા અને વીડિયો બનાવી લીધા હતા.
ફોટા-વીડિયોના નામે બ્લેકમેલિંગ
ફરિયાદીનો આક્ષેપ છે કે ફોટા અને વીડિયોનો ઉપયોગ કરીને તેને સતત બ્લેકમેલ કરવામાં (Blackmailing Case) આવતી હતી. વીડિયો અને ફોટા સોશિયલ મીડિયામાં વાયરલ કરી દેવાની ધમકી ઉપરાંત તેના પતિને જાનથી મારી નાખવાની ધમકી આપવામાં આવતી હોવાનો પણ ફરિયાદમાં ઉલ્લેખ છે. આ રીતે આરોપીઓએ વારંવાર દુષ્કર્મ આચર્યું હોવાનો ગંભીર આક્ષેપ કરવામાં આવ્યો છે.
4 ઓગસ્ટે પોલીસને લેખિત ફરિયાદ
આ સમગ્ર ઘટનાથી કંટાળીને પરિણીતાએ 4 ઓગસ્ટના રોજ ખંભાત ગ્રામ્ય પોલીસ મથકમાં લેખિત ફરિયાદ આપી હતી. જોકે, ફરિયાદ નોંધવામાં વિલંબ થયો હોવાનો આક્ષેપ કરવામાં આવ્યો છે. સ્થાનિક સ્તરે કાર્યવાહી ન થતાં પરિણીતાએ પોતાના પતિ સાથે આણંદ જિલ્લા પોલીસ વડા સમક્ષ રજૂઆત કરી હતી.
જિલ્લા પોલીસ વડાની રજૂઆત બાદ ફરિયાદ
મામલાની ગંભીરતાને ધ્યાનમાં લઈને જિલ્લા પોલીસ વડા સમક્ષ રજૂઆત થયા બાદ ખંભાત ગ્રામ્ય પોલીસે આખરે બંને આરોપીઓ વિરુદ્ધ ગુનો નોંધ્યો હતો. ફરિયાદ નોંધાયા બાદ પોલીસે સમગ્ર ઘટનાની તપાસ શરૂ કરી છે.
પોલીસની કામગીરી સામે પણ સવાલ
ગંભીર આરોપો ધરાવતી ફરિયાદ નોંધવામાં ચાર દિવસનો સમય લાગતાં સ્થાનિક પોલીસની કામગીરી સામે પણ સવાલો ઉઠ્યા છે. ફરિયાદમાં રાજકીય ઓળખ ધરાવતા વ્યક્તિનું નામ હોવાના કારણે કાર્યવાહી કરવામાં વિલંબ થયો હતો કે કેમ, તે મુદ્દે પણ ચર્ચા શરૂ થઈ છે. જોકે, આ અંગે પોલીસ તપાસ પૂર્ણ થયા બાદ જ હકીકત સ્પષ્ટ થશે.
તપાસ બાદ હકીકત સામે આવશે
હાલ ખંભાત ગ્રામ્ય પોલીસે ફરિયાદના આધારે સમગ્ર મામલે તપાસ હાથ ધરી છે. પોલીસ દ્વારા ફરિયાદીનું નિવેદન, ઘટનાસ્થળ, આરોપીઓ સાથેના સંપર્કો તેમજ અશ્લીલ ફોટા-વીડિયો અને ધમકીઓ અંગેના પુરાવાઓ સહિતના પાસાઓની તપાસ કરવામાં આવી રહી છે. આરોપીઓ સામેના આક્ષેપો તપાસનો વિષય છે અને તપાસ પૂર્ણ થયા બાદ સમગ્ર ઘટનાની હકીકત વધુ સ્પષ્ટ થશે.
આ પણ વાંચો: ગાંધીનગરમાં 17 વર્ષની સગીરાનું દુષ્કર્મ બાદ મોત, સારવાર દરમિયાન તોડ્યો દમ
આ પણ વાંચો: અમદાવાદના જોધપુર ગામમાં યુવતી સાથે દુષ્કર્મ, આરોપી સિક્યુરિટી ગાર્ડની ધરપકડ
આ પણ વાંચો: ભેસ્તાનમાં તલવાર-ધારિયા-કુહાડીથી હુમલો, પછી ફાયરિંગ! સતીશ મરાઠા હત્યા કેસમાં 9 ઝડપાયા
