પૂર્વાંચલ એક્સપ્રેસ હાઈવે લખનૌ-સુલતાનપુર રોડ (NH-731) પર સ્થિત ગામ ચૌડાસરાય, જિલ્લો લખનૌથી શરૂ થાય છે અને UP-બિહાર સરહદથી 18 કિમી પૂર્વમાં નેશનલ હાઈવે નંબર 31 પર સ્થિત હૈદરિયા ગામ પર સમાપ્ત થાય છે.
વડાપ્રધાન નરેન્દ્ર મોદી દ્વારા આજે પૂર્વાંચલ એક્સપ્રેસ વેનું ઉદ્ઘાટન થયું. આ કાર્યક્રમ ઉત્તર પ્રદેશના સુલતાનપુર જિલ્લાના કરવલ ખેરીમાં યોજાયો હતો.
પૂર્વાંચલ એક્સપ્રેસ વે નવ જિલ્લામાંથી પસાર થઇ રહ્યો છે. તેની લંબાઈ 340.824 કિમી છે. તે લખનૌ-સુલતાનપુર રોડ (NH-731) પર સ્થિત ગામ ચૌડાસરાય, જિલ્લો લખનૌથી શરૂ થાય છે અને UP-બિહાર સરહદથી 18 કિમી પૂર્વમાં નેશનલ હાઈવે નંબર 31 પર સ્થિત હૈદરિયા ગામ પર સમાપ્ત થાય છે.
એક્સપ્રેસ વે હાલમાં છ લેન પહોળો છે, જેને ભવિષ્યમાં આઠ લેન સુધી વિસ્તૃત કરી શકાશે. આશરે રૂ. 22,500 કરોડના અંદાજિત ખર્ચે બનેલ આ એક્સપ્રેસવે ઉત્તર પ્રદેશના પૂર્વ ભાગના આર્થિક વિકાસને વેગ આપશે, ખાસ કરીને લખનૌ, બારાબંકી, અમેઠી, અયોધ્યા, સુલતાનપુર, આંબેડકર નગર, આઝમગઢ, મૌ અને ગાઝીપુર જિલ્લાના આર્થિક વિકાસને વેગ આપશે.
એક્સપ્રેસ વે પર 22 ફ્લાયઓવર, સાત રેલવે ઓવર બ્રિજ (ROBs), સાત મોટા બ્રિજ, 114 નાના પુલ, છ ટોલ પ્લાઝા, 45 વાહન અંડરપાસ (VUPs), 139 લાઇટ VUP, 87 પેડેસ્ટ્રિયન અંડરપાસ અને 525 બોક્સ કલ્વર્ટ હશે.
નવા એક્સપ્રેસ વેમાં સીએનજી સ્ટેશન, ઇલેક્ટ્રિક રિચાર્જ સ્ટેશન પણ હશે અને તે આગરા અને બુંદેલખંડ એક્સપ્રેસવે દ્વારા ડિફેન્સ કોરિડોર સાથે જોડવામાં આવશે. એક્સપ્રેસ વેને 120 કિમી પ્રતિ કલાકની ઝડપે વાહનોની અવરજવર માટે ડિઝાઇન કરવામાં આવ્યો છે, પરંતુ તેની ઝડપ 100 કિમી પ્રતિ કલાક નક્કી કરવામાં આવી છે.
સુરક્ષા અને મેડિકલ ઈમરજન્સી માટે પોલીસ વાહનો, ઢોર પકડનારા વાહનો અને 16 એમ્બ્યુલન્સ ત્યાં તૈનાત રહેશે. સરકારે કહ્યું છે કે આ એક્સેસ-નિયંત્રિત એક્સપ્રેસવે મુસાફરોને ઇંધણ અને સમય બચાવવા અને પ્રદૂષણના સ્તરને નિયંત્રિત કરવામાં અને અકસ્માતો ઘટાડવામાં મદદ કરશે.
આ એક્સપ્રેસ વે તેમાંથી એક છે, જે રાજ્યના દરેક ખૂણે ભવિષ્યમાં તૈયાર રોડ કનેક્ટિવિટી પ્રદાન કરશે. તેમાં પહેલાથી જ ખુલેલ દિલ્હી-મેરઠ લિંક એક્સપ્રેસવે (96 કિમી), બુંદેલખંડ એક્સપ્રેસવે (296 કિમી), ગોરખપુર લિંક એક્સપ્રેસવે (92 કિમી), ગંગા એક્સપ્રેસવે (600 કિમી), લખનૌ કાનપુર એલિવેટેડ નેશનલ એક્સપ્રેસવે (63 કિમી)નો સમાવેશ થાય છે.
